Diwali 2023: મ્પ્લોઈઝ પ્રોવિડન્ટ ફંડ ઓર્ગેનાઈઝેશન (EPFO) એ પોતાના કર્મચારીઓને દિવાળીની ભેટ (Diwlai Gift) આપતાં નાણાકીય વર્ષ 2022-23ના વ્યાજ દરોને ખાતાઓમાં ટ્રાન્સફર કરવાનું શરૂ કરી દીધું છે. નોંધનીય છે કે આ નાણાકીય વર્ષમાં, EPFO ખાતાધારકોના ખાતામાં જમા રકમ પર 8.15 ટકા વ્યાજ દર (EPFO Interest Rate for FY 2022-23) ઓફર કરી રહ્યું છે
નોંધનીય છે કે EPFOના વ્યાજ દરો દર વર્ષે સેન્ટ્રલ બોર્ડ ઓફ ટ્રસ્ટીઝ (CBT) અને નાણા મંત્રાલય દ્વારા નક્કી કરવામાં આવે છે. આ વર્ષની વાત કરીએ તો સરકારે જૂન 2023માં નાણાકીય વર્ષ 2022-23 માટે વ્યાજ દરોની જાહેરાત કરી હતી. આ પછી, સરકારે વ્યાજ દરના નાણાં પીએફ ખાતાધારકોના ખાતામાં ટ્રાન્સફર કરવાનું શરૂ કર્યું છે.
EPFOએ માહિતી આપી-
સોશિયલ મીડિયા પ્લેટફોર્મ X એટલે કે ટ્વિટર પર ઘણા વપરાશકર્તાઓ લાંબા સમયથી EPFOને પૂછી રહ્યા છે કે વ્યાજના નાણાં તેમના ખાતામાં ક્યારે ટ્રાન્સફર થશે. જ્યારે સુકુમાર દાસ નામના યુઝરે આ બાબતે સવાલ પૂછ્યો તો EPFOએ જવાબ આપ્યો કે ખાતામાં વ્યાજ ટ્રાન્સફર કરવાની પ્રક્રિયા શરૂ થઈ ગઈ છે અને ખાતાધારકોને આ વર્ષે કોઈપણ નુકસાન વિના વ્યાજની સંપૂર્ણ રકમ મળશે. આ સાથે EPFOએ કર્મચારીઓને ધીરજ રાખવાનો અનુરોધ પણ કર્યો છે.
પીએફ બેલેન્સ કેવી રીતે ચેક કરવું-
- જો તમે પીએફ ખાતાધારક છો અને તમારા ખાતાનું બેલેન્સ ચેક કરવા માંગો છો, તો તમે આ સરળતાથી કરી શકો છો. આ માટે તમે મેસેજ, મિસ્ડ કોલ, ઉમંગ એપ અથવા EPFO વેબસાઈટની મદદ લઈ શકો છો.
- મેસેજ દ્વારા બેલેન્સ ચેક કરવા માટે તમારે તમારા EPFO રજિસ્ટર્ડ મોબાઈલ નંબર પરથી 7738299899 પર મેસેજ મોકલવો પડશે.
- આ સિવાય તમે 011-22901406 નંબર પર મિસ્ડ કોલ મોકલીને પણ બેલેન્સ ચેક કરી શકો છો.
- EPFO પોર્ટલ પર જઈને અને કર્મચારીઓ માટે વિભાગમાં જઈને બેલેન્સ ચેક કરી શકાય છે.
- ઉમંગ એપ પર બેલેન્સ ચેક કરવા માટે પહેલા તમારા મોબાઈલમાં એપ ડાઉનલોડ કરો. આ પછી, EPFO સેક્શનમાં જાઓ અને સર્વિસ પસંદ કરો અને પાસબુક જુઓ.
- આ પછી, કર્મચારી-કેન્દ્રિત સેવા પર જાઓ અને OTP વિકલ્પ પસંદ કરો. ત્યારપછી તમારા મોબાઈલ પર OTP આવશે અને તેને એન્ટર કરો. આ પછી, થોડીવારમાં તમારી સામે EPFO પાસબુક ખુલશે.