Gold Silver Price Today: જો તમે પણ લગ્નની સિઝનમાં સોનું, ચાંદી કે તેના ઘરેણાં ખરીદવા માંગતા હોવ તો તમારા માટે મહત્વના સમાચાર છે. સોના-ચાંદીના ભાવમાં સતત વધઘટ ચાલુ છે. સ્થિતિ એ છે કે સોનું ફરી એકવાર અત્યાર સુધીની સૌથી ઊંચી કિંમતે પહોંચી ગયું છે. સોનાની કિંમત 61044 રૂપિયા પ્રતિ 10 ગ્રામના સ્તરે પહોંચી ગઈ છે, જેનાથી મોંઘવારીનો નવો રેકોર્ડ સર્જાયો છે. બીજી તરફ ચાંદીમાં ઉછાળો આવ્યો છે અને ચાંદી 75282 રૂપિયા પ્રતિ કિલોના સ્તર પર છે.
જોકે આ સોનાના ભાવ ફ્યૂચરના છે જ્યારે ઘરઆંગણે રિટેલ બજારમાં સોનાના ભાવમાં લાલચોળતેજી જોવા મળી રહી છે. ગુજરાતમાં રાજકોટ સોનાનું મોટું બજાર ગણાય છે. જ્યાં આજે સોનાનો ભાવ 63000 રૂપિયા પ્રતિ 10 ગ્રામની સપાટીએ પહોંચી ગયો છે. આજે રિટેલ બજારમાં સોનામાં 900 રૂપિયા તો ચાંદીમાં 1400 રૂપિયાનો ઉછાળો નોંધાયો છે. ચાંદીનો રિટેલમાં ભાવ 77500 પ્રતિ કિલો રૂપિયા બોલાઈ રહ્યો છે. નિષ્ણાંતોના મતે આ વર્ષે સોનું 68000 રૂપિયા પ્રતિ દસ ગ્રામ તો ચાંદી 95000 રૂપિયા પ્રતિ કિલોગ્રામના ભાવ સુધી જઈ શકે છે. નોંધનીય છે કે, યુએસ ફેડ દ્વારા વ્યાજ દરમાં વધારો કરવાની જાહેરાત કર્યા બાદ વૈશ્વિક બજારમાં સોનામાં મોટી તેજી જોવા મળી છે. જેની અસર આજે ભારતીય સોના-ચાંદી બજારમાં જોવા મળી રહી છે.
બુધવારે સોનું 627 રૂપિયા પ્રતિ 10 ગ્રામ મોંઘુ થયું અને 61044 રૂપિયાના નવા રેકોર્ડ સ્તરે બંધ થયું. અગાઉ સોનાનો સૌથી વધુ ભાવ રૂ.60880 હતો.
જ્યાં મંગળવારે છેલ્લા ટ્રેડિંગ દિવસે સોનાની કિંમત 249 રૂપિયા પ્રતિ 10 ગ્રામ મોંઘી થઈ હતી અને 60417 રૂપિયા પ્રતિ 10 ગ્રામના સ્તરે બંધ થઈ હતી.
બુધવારે સોનાની સાથે ચાંદીના ભાવમાં પણ વધારો નોંધાયો હતો. બુધવારે ચાંદી 1056 રૂપિયાના જોરદાર ઉછાળા સાથે 75282 રૂપિયા પ્રતિ કિલોગ્રામ પર બંધ થઈ હતી. જ્યારે મંગળવારે ચાંદી 358 રૂપિયાના ઉછાળા સાથે 74226 રૂપિયા પ્રતિ કિલોગ્રામ પર બંધ રહી હતી.
24 કેરેટ સોનાનો લેટેસ્ટ ભાવ
આ પછી 24 કેરેટ સોનું 627 રૂપિયા વધીને 61044 રૂપિયા, 23 કેરેટ સોનું 624 રૂપિયા વધીને 60800 રૂપિયા, 22 કેરેટ સોનું રૂપિયા 574 વધીને 55916 રૂપિયા, 18 કેરેટ સોનું રૂપિયા 471 વધીને 45783 રૂપિયા અને 14 કેરેટ સોનું 167 રૂપિયા મોંઘું થયું છે. મોંઘો છે અને 35710 રૂપિયા પ્રતિ 10 ગ્રામના સ્તરે ટ્રેડ થઈ રહ્યો છે. તમને જણાવી દઈએ કે MCX અને આંતરરાષ્ટ્રીય બજારના સોના અને ચાંદીના દરો કરમુક્ત છે, તેથી દેશના બજારોના દરો વચ્ચે તફાવત છે.