દેશમાં હાલમાં કરોના વાયરસની મહામાહી ગંભીર સમસ્યા બની ગઈ છે. દેશના દરેક ભાગમાં વાયરસથી અનેક લોકો સંક્રમિત થઈ રહ્યા છે. ત્યારે દેશની સૌથી મોટી ટુ વ્હીલર કંપની હીરો મોટોકોર્પે 1 મે સુધી પોતાના તમામ પ્લાન્ટ બંધ રાખવાનો નિર્ણય કર્યો છે. હીરો મોટોકોર્પે (Hero MotoCorp) કહ્યું કે, 22 એપ્રિલથી 1 મે સુધી કંપનીની તમામ ફેક્ટરીઓ, મેન્યુફેક્ચરિંગ યૂનિટ્સને તબક્કાવાર રીતે બંધ રાખવામાં આવશે. કંપનીના કામચલાઉ બંધમાં કંપનીનું ગ્લોબલ પાર્ટ્સ સેન્ટર પણ બંધ રહેશે.
સ્ટોક એક્સચેન્જને આપેલ જાણકારી હીરો મોટોકોર્પે કહ્યું કે, શટડાઉનના આ સમયનો ઉપયોગ મેન્યુફેક્ચરિંગ પ્લાન્ટ્સમાં જરૂરી મેન્ટેનન્સ માટે કરવામાં આવશે. કંપનીએ કહ્યું કે, 22 એપ્રિલથી 1 મેની વચ્ચે તમામ પ્લાન્ટ અને જીપીસી તબક્કાવાર રીતે 4 દિવસ બંધ રહેશે.
સ્ટોક્સ એક્સચેન્જ ફાઈલિંગમાં કંપનીએ કહ્યું કે, તેની તમામ કોર્પોરેટ ઓફિસમાં વર્ક ફ્રોમ હોમ થઈ રહ્યું છે અને ઘણાં ઓછા કર્મચારી રોટેશન બેસિસ પર ઓફિસ આવે છે. આ શટડાઉને કારણે ડિમાન્ડ પૂરી કરવાની કંપનીની ક્ષમતાઓ પર કોઈ અસર નહીં પડે. આ શટડાઉનની ભરપાઈ આવનારા સમયમાં કરવામાં આવશે.
હીરો મોટોકોર્પના મેન્યુફેક્ચરિંગ પ્લાન્ટ હરિયાણાના ગુરુગ્રામ અને ધારૂહેરામાં છે. સાથે જ આંધ્ર પ્રદેશમાં ચિત્તૂર, ઉત્તરાખંડના હરિદ્વાર, રાજસ્થાનના નીમરાના અને ગુજરાતના હાલોલમાં છે. આ ફેક્ટરીઓમાં 80,000થી વધારે કર્મચારીઓ કામ કેર છે.