Forbes list of world's most powerful women List: ફોર્બ્સે વિશ્વની 100 સૌથી શક્તિશાળી મહિલાઓની યાદી જાહેર કરી છે. દેશના કેન્દ્રીય નાણામંત્રી નિર્મલા સીતારમન, બાયોકોનના કાર્યકારી અધ્યક્ષ કિરણ મઝુમદાર શો અને નાયકાના સંસ્થાપક ફાલ્ગુની નાયરનો આ યાદીમાં સમાવેશ કરવામાં આવ્યો છે. વાર્ષિક જાહેર કરવામાં આવતી આ યાદીમાં કુલ 6 ભારતીય મહિલાઓએ પોતાનું સ્થાન બનાવ્યું છે.
સીતારામન 36મા નંબરે
ફોર્બ્સની યાદી અનુસાર આ વખતે નિર્મલા સીતારમન 36માં સ્થાને છે. સીતારમન સતત ચોથી વખત આ યાદીમાં સામેલ થયા છે. અગાઉ 2021માં તે 37મા ક્રમે હતા. તે 2020માં 41મા અને 2019માં 34મા સ્થાને હતા.
કિરણ મઝુમદાર72મા નંબરે
કિરણ મઝુમદાર-શો આ વર્ષે 72મા ક્રમે છે જ્યારે નાયર 89મા ક્રમે છે. આ યાદીમાં અન્ય ભારતીયોમાં HCL ટેકના ચેરપર્સન રોશની નાદર મલ્હોત્રા 53માં સ્થાને, સિક્યોરિટીઝ એન્ડ એક્સચેન્જ બોર્ડ ઓફ ઈન્ડિયા (SEBI)ના ચેરપર્સન માધાવી પુરી બૂચ 54માં સ્થાને અને સ્ટીલ ઓથોરિટી ઓફ ઈન્ડિયા (SAIL)ના ચેરપર્સન સોમા મંડલે 67મું સ્થાન મેળવ્યું છે. ગયા વર્ષે પણ આ યાદીમાં રોશની નાદર મલ્હોત્રા, મઝુમદાર-શો અને નાયર અનુક્રમે 52મું, 72મું અને 88મું સ્થાન મેળવ્યું હતું.
શું ખાસ છે
ફોર્બ્સની વેબસાઈટ અનુસાર, આ યાદીમાં 39 સીઈઓ અને 10 રાજ્યના વડાઓ પણ સામેલ છે. આ સિવાય તેમાં 11 અબજોપતિ સામેલ છે, જેમની કુલ સંપત્તિ 115 અબજ ડોલર છે. એક મીડિયા રિપોર્ટમાં ફોર્બ્સે કહ્યું કે 59 વર્ષીય બિઝનેસવુમન બે દાયકા સુધી ઇન્વેસ્ટમેન્ટ બેન્કર તરીકે કામ કર્યું. બાદમાં IPO લાવ્યા અને અન્ય ઉદ્યોગ સાહસિકોને તેમના સપના સાકાર કરવામાં મદદ કરી. 41 વર્ષીય મલ્હોત્રા HCL ટેકના તમામ નિર્ણયોમાં મુખ્ય ભૂમિકા ભજવે છે. આ રીતે, બુચ સેબીના પ્રથમ મહિલા અધ્યક્ષ છે.
સોમા મંડલને સ્થાન મળ્યું
સોમા મંડલ સેલના વડા તરીકે પ્રથમ મહિલા છે. તેમણે સત્તા સંભાળી ત્યારથી કંપનીએ રેકોર્ડ નાણાકીય વૃદ્ધિ હાંસલ કરી છે. તેમના કાર્યકાળના પ્રથમ વર્ષમાં કંપનીનો નફો 3 ગણો વધીને 120 અબજ રૂપિયા થઈ ગયો છે. બીજી તરફ, યુરોપિયન કમિશનના પ્રમુખ ઉર્સુલા વોન ડેર લેયેન વિશ્વની 100 સૌથી શક્તિશાળી મહિલાઓની યાદીમાં ટોચ પર છે. યુક્રેન યુદ્ધ દરમિયાન તેમના નેતૃત્વ અને કોવિડ-19 રોગચાળા સામે લડવાના તેમના પ્રયાસો માટે તેમને આ સ્થાન મળ્યું છે.