બિસ્કિટ અને બ્રેડ બનાવતી પંજાબની કંપની મિસેજ બેક્ટર્સ ફૂડ સ્પેશિયાલિટીઝની આઈપીઓ દ્વારા બજારમાંથી 500 કરોડ એકત્ર કરવાની યોજના છે. કંપનીના મેનેજિંગ ડિરેક્ટર અનુપમ બેક્ટરે આઈપીઓ રોડ શોમાં મીડિયાને જણાવ્યું હતું કે, ન્યૂનતમ બોલી 50 શેરના લોટ માટે લગાવી શકાશે અને તેના ઉપર 50 ઈક્વિટ શેરના ગુણાંકમાં બોલી લગાવી શકાશે.
આ આઈપીઓ માટે કંપનીએ એસબીઆઈ કેપિટલ માર્કેટ્સ, આઈસીઆઈસીઆઈ સિક્યોરિટીઝ અને આઈઆઈએફએલ સિક્યોરિટીઝને લીડ મેનેજર બનાવ્યા છે. શેર બોમ્બે સ્ટોક એક્સચેન્જ અને નેશનલ સ્ટોક એક્સચેન્જ પર લિસ્ટ થશે.
કંપનીએ સેબીને સોમવારે આપેલી માહિતી મુજબ 288 રૂપિયાના ભાવ પર 56.25 લાખ શેર એંકર રોકાણકારો માટે જાહેર કરવાનો નિર્ણય લીધો છે.