3 મહિના પહેલા જે સોના ચાંદીનો ભાવ આસમાને પહોંચી ગયો હતો અત્યારે વૈશ્વિક બજારોમાં મંદીને કારણે ભાવમાં ઘટાડો જોવા મળી રહ્યો છે. એક તરફ લગ્નસરાની સિઝન આવી રહી છે ત્યારે બીજી તરફ તહેવારોની સિઝન આવે છે અને તેનો જ ફાયદો અત્યારે ગ્રાહકો ઉઠાવી રહ્યા છે.
હાલમાં સોનાનો ભાવ 52500 પ્રતિ 10 ગ્રામ અને 22 કેરેટ સોનાનો ભાવ 48070 રૂપિયા છે અને ચાંદીના ભાવ 62500 પ્રતિ કિલો છે. સોનાના ભાવમાં ઘટાડો જોવા મળતા બજારમાં ઘરાકી જોવા મળી રહી છે.
જોકે આ વર્ષે કોરોનાની મહામારી ને લઈને સોનાની આયાત ઓછી થઈ છે. ગત વર્ષે સોનાની કુલ આયાત ૭૦૦થી ૮૦૦ ટન થઈ હતી ત્યારે આ વર્ષે જુલાઇ માસ સુધી માત્ર 70 થી 80 ટનની આયાત થઈ છે. બીજી બાજુ ખરીદી પણ ઘટી છે. પહેલા દર વર્ષે વેપારીઓને સોનાનું વેચાણ રોજનું ૪૦ થી ૫૦ કિલો થતું હતું એની સરખામણીમાં અત્યારે પરિસ્થિતિ એવી આવી છે કે હવે માત્ર પાંચથી સાત કિલો જેટલું જ સોનું વેચાય છે.
હાલમાં સોનાનો ભાણ લોકડાઉનના સમય કરતાં ઘણો ઓછો છે તેમ છતાં લોકો નવું સોનું ખરીદવાને બદલે જૂનું સોનું આપીને બીજું સોનું લઈ રહ્યા છે.