PIB Fact Check: સોશિયલ મીડિયા પર દરરોજ ભ્રામક દાવા કરવામાં આવી રહ્યા છે. ફેક મેસેજને કારણે ફેક ન્યૂઝનો પ્રચાર થઈ રહ્યો છે. દરમિયાન, એક ટ્વિટમાં, એક ભ્રામક દાવો કરવામાં આવી રહ્યો છે કે ભારતીય રેલવેની પ્લેટફોર્મ ટિકિટની કિંમત 50 રૂપિયા છે. આ મેસેજમાં કોંગ્રેસ સરકાર અને ભાજપ સરકારના કાર્યકાળની સરખામણી કરતો મેસેજ આપવામાં આવ્યો છે. PIB ફેક્ટ ચેક ટીમ (#PIBFactCheck) એ તેના ટ્વિટર હેન્ડલ પર આ મેસેજ શેર કર્યો છે. એવું દર્શાવવામાં આવ્યું છે કે કોંગ્રેસના કાર્યકાળમાં પહેલા ત્રણ રૂપિયાની ટિકિટ મળતી હતી જે હવે 50 રૂપિયા થઈ ગઈ છે. PIBની ફેક્ટ ચેક ટીમે આ મેસેજને સંપૂર્ણપણે નકલી ગણાવ્યો છે.
પીઆઈબીએ જણાવ્યું કે રેલવે પ્લેટફોર્મ ટિકિટની કિંમત માત્ર દસ રૂપિયા છે. ખાસ સંજોગોમાં, ભીડ અને અકસ્માતની સંભાવનાને ધ્યાનમાં રાખીને, DRMS દ્વારા તેની કિંમત ટૂંકા ગાળામાં વધારી શકાય છે. જ્યારે PIB ફેક્ટ ચેક ટીમે આ અંગે તપાસ કરી તો જાણવા મળ્યું કે આ માહિતી સંપૂર્ણપણે નકલી છે. સરકાર તરફથી આવી કોઈ દરખાસ્ત આવી નથી. PIB અનુસાર, આ સમાચારો સમાજમાં ભ્રમ ફેલાવે છે અને ફેક ન્યૂઝને પ્રોત્સાહન આપવામાં આવે છે.
PIB ફેક્ટ ચેક શું છે?
નોંધનીય છે કે, પીઆઈબી ફેક્ટ ચેક કેન્દ્ર સરકારની પોલિસી- સ્કીમ, વિભાગો, મંત્રાલયોને લઈને ફેલાતી ખોટી સૂચનાઓને રોકવા માટેનું કામ કરે છે. સરકારથી જોડાયેલી કોઈ પણ ખબર સાચી છે કે ખોટી તે જાણવા માટે પીઆઈબી ફેક્ટ ચેકની મદદ લઈ શકાય છે. કોઈ પણ પીઆઈબી ફેક્ટ ચેકનો સંદેહાત્મક સમાચારનો સ્ક્રિનશોટ, ટ્વિટ, ફેસબુક પોસ્ટ અથવા યુઆરએલ વોટ્સએપ નંબર 918799711259 પર મોકલી શકો છો. અથવા પછી pibfactcheck@gmail.com પર મેઈલ કરી શકો છો.