RBI Website Crashes: રિઝર્વ બેંક ઓફ ઈન્ડિયા (RBI)ની સત્તાવાર વેબસાઈટ 2000 રૂપિયાની નોટ ચલણના સમાચાર સામે આવ્યા બાદ ભારે ટ્રાફિકનો સામનો કરી રહી છે. જેના કારણે વેબસાઈટ ડાઉન પણ થઈ ગઈ છે. સમાચાર લખાય છે ત્યાં સુધી રિઝર્વ બેંકની વેબસાઈટ ડાઉન હતી. જ્યારે સમાચાર આવ્યા કે હવે 2000ની નોટ ચલણમાંથી બહાર થઈ જશે ત્યારે વેબસાઈટ ડાઉન થઈ ગઈ હતી. મતલબ કે હવે 2000 રૂપિયાની નોટ ચલણમાં નહીં આવે. આ સમાચાર બહાર આવતાની સાથે જ RBIની વેબસાઈટ પર ભારે ટ્રાફિક પહોંચી ગયો અને તેના કારણે આખી વેબસાઈટ ઠપ્પ થઈ ગઈ. કેટલાક લોકો ગભરાઈ રહ્યા છે. જોકે, ગભરાવાની જરૂર નથી. તમારા પૈસા સુરક્ષિત છે. સરકારે સમજદારીપૂર્વક સંપૂર્ણ વ્યવસ્થા કરી છે. આવો જાણીએ સમાચારમાં તમામ વિગતો
તમારી પાસે ઘણો સમય છે
તમારે જરાય ગભરાવાની જરૂર નથી કારણ કે તમારી પાસે નોટ બદલવા માટે પુષ્કળ સમય છે. તમે 30 સપ્ટેમ્બર 2023 સુધી બેંકમાંથી તમારી 2000 રૂપિયાની નોટ આરામથી બદલી શકો છો. આ સાથે તમે તમારી 2000ની નોટ પણ બેંકમાં જમા કરાવી શકો છો. જો તમારી આસપાસ કોઈ આ સમાચાર સાંભળીને હાઈપર થઈ રહ્યું છે, તો તમારે તેમને પણ સમજાવું જોઈએ કે તમારી પાસે ઘણો સમય છે. તમે સરળતાથી નોટ બદલી શકો છો. જો તમે નોટ બદલવા માટે બેંક જવાના છો, તો તમને જણાવી દઈએ કે આરબીઆઈએ કહ્યું છે કે તમે એક સમયે 20,000 રૂપિયાની 2000ની નોટ બદલી શકો છો. આ સિવાય RBIએ બેંકોને તાત્કાલિક અસરથી ગ્રાહકોને 2000 રૂપિયાની નવી નોટ આપવાનું બંધ કરવાનો આદેશ આપ્યો છે.
2016માં 2000ની નોટ જારી કરવામાં આવી હતી
ભારતમાં 8 નવેમ્બર 2016ના રોજ 500 અને 1000 રૂપિયાની નોટોના વિમુદ્રીકરણ બાદ 2000ની નોટો જારી કરવામાં આવી હતી. સરકારે 500ની નવી નોટ પણ બહાર પાડી હતી, પરંતુ 1000ની નોટ બહાર પાડવામાં આવી ન હતી.
શું ઘણા સમય પહેલા જ છાપવાની બંધ કરી દેવાઈ હતી રૂ. 2000ની નોટ?
સાત વર્ષ પહેલા, 8 નવેમ્બર 2016ના રોજ, મોદી સરકારે અચાનક રૂ. 500 અને રૂ. 1000ની નોટો બંધ કરી દીધી હતી. તેમણે કહ્યું કે આનાથી કાળું નાણું અને આતંકવાદી ફંડિંગ બંધ થશે. જૂની નોટોના બદલામાં 500 અને 2000 રૂપિયાની નવી નોટો લાવવામાં આવી હતી. ઘણા સમયથી સમાચાર આવી રહ્યા હતા કે 2000ની નોટ છાપવામાં આવી રહી નથી. પરંતુ ગયા વર્ષે જ નવેમ્બરમાં એક RTI દ્વારા માહિતી મળી હતી કે, RBIએ બે વર્ષથી વધુ સમયથી રૂ. 2,000ની નોટો છાપી નથી. ઈકોનોમિક ટાઈમ્સે પોતાના અહેવાલમાં જણાવ્યું હતું કે, રિઝર્વ બેંક ઓફ ઈન્ડિયા નોટ પ્રિન્ટિંગે RTIના જવાબમાં જણાવ્યું હતું કે, નાણાકીય વર્ષ 2016-17માં 2 હજાર રૂપિયાની 354 કરોડ રૂપિયાની નોટો છાપવામાં આવી હતી. ત્યાર બાદ તેનું પ્રિન્ટિંગ ઝડપથી ઘટતું ગયું હતું. આગલા વર્ષે માત્ર 11 કરોડ રૂપિયા અને પછીના વર્ષે એટલે કે 2018-19માં માત્ર 4.5 કરોડ રૂપિયાની નોટો જ છપાઈ હતી. આ પછી 2000ની નોટોનું પ્રિન્ટિંગ બંધ થઈ ગયું.