એસબીઆઈએ તેની વેબસાઈટ પર આ વાતની જાણકારી આપી છે. એક મહિનામાં બેંકના ગ્રાહકોને આ બીજો મોટો ઝટકો છે. એસબીઆઈએ મેની શરૂઆતમાં પણ એફડી પર વ્યાજ દર ઘટાડવાનો ફેંસલો કરી ગ્રાહકોને મળનારું રિટર્ન ઘટાડી દીધું હતું.
આ ઉપરાંત એસબીઆઈએ બલ્ક ડિપોઝિટ્સ પર વ્યાજ દર ઘટાડી દીધા છે. 2 કરોડ કે તેથી વધારેની બલ્ક ડિપોઝિટ પર વ્યાજ દરમાં 0.50 ટકાનો ઘટાડો કર્યો છે. બલ્ક ડિપોઝિટ પર જમાકર્તાને વધારેમાં વધારે 3 ટકા સુધી વ્યાજ મળશે. આ દર પણ આજથી લાગુ થઈ ગયા છે.
અલગ-અલગ ટર્મના નવા વ્યાજ દર
- 7 દિવસથી 45 દિવસની એફડી પર 2.9 ટકા વ્યાજ દર
- 46 દિવસથી 179 દિવસની એફડી પર 3.9 ટકા વ્યાજ દર
- 180 દિવસથી 210 દિવસની એફડી પર 4.4 ટકા વ્યાજ દર
- 211 દિવસથી 1 વર્ષથી ઓછી એફડી પર 4.4 ટકા વ્યાજ દર
- 1 વર્ષથી લઈ 2 વર્ષથી ઓછી એફડી પર 5.1 ટકા વ્યાજ દર
- 2 વર્ષથી લઈ 3 વર્ષથી ઓછી એફડી પર 5.1 ટકા વ્યાજ દર
- 3 વર્ષથી લઈ 5 વર્ષથી ઓછી એફડી પર 5.3 ટકા વ્યાજ દર
- 5 વર્ષથી લઈ 10 વર્ષ સુધીની એફડી પર 5.4 ટકા વ્યાજ દર