Stock Market Closing, 12th June 2023: ભારતીય શેરબજાર માટે સપ્તાહનો પ્રથમ કારોબારી દિવસ સામાન્ય રહ્યો. દિવસની શરૂઆત સુસ્ત રહ્યા બાદ અંતે સાધારણ વધારા સાથે બંધ રહ્યું હતું. આજના વધારા બાદ રોકાણકારોની સંપત્તિ વધીને 288.04 લાખ કરોડ થઈ છે, જે ગત સપ્તાહના અંતિમ કારોબારી દિવસ શુક્રવારે 286.72 સંપત્તિ લાખ કરોડ હતી.
બજાર કેમ લીલા નીશાનમાં બંધ થયું
આજે ભારતીય શેરબજારનો સૂચકાંક સેન્સેક્સ 9908 અંક વધીને 62724.41 પોઇન્ટ અને નિફ્ટી 38.1 પોઇન્ટ વધીને 18601.50 પોઇન્ટ પર બંધ રહ્યા હતા. IT અને એનર્જી શેર્સમાં ખરીદી નીકળતાં બજાર લીલા નીશાનમાં બંધ થયું.
વધનારા-ઘટનારા શેર્સ
નિફ્ટીમાં ટોપ ગેઇનર્સ બીપીસીએલ, એચસીએલ ટેક્નોલોજીસ, ઇન્ફોસિસ, એનટીપીસી અને અદાણી એન્ટરપ્રાઇઝિસ હતા, જ્યારે પાવર ગ્રીડ કોર્પોરેશન, લાર્સન એન્ડ ટુબ્રો, સિપ્લા, મારુતિ સુઝુકી અને ટાઇટન કંપની લુઝર્સ હતા. સેક્ટરમાં કેપિટલ ગુડ્સમાં 0.5 ટકાનો ઘટાડો થયો હતો, જ્યારે ઇન્ફોર્મેશન ટેક્નોલોજી, મેટલ અને ઓઇલ એન્ડ ગેસ, રિયલ્ટીમાં 0.5-1 ટકાનો વધારો થયો હતો. BSE મિડકેપ અને સ્મોલકેપ સૂચકાંકોમાં 0.5 ટકાનો વધારો થયો છે.
સેક્ટર અપડેટ
આજના કારોબારમાં આઈટી, ઓટો, એફએમસીજી, મેટલ્સ, રિયલ એસ્ટેટ, મીડિયા, એનર્જી, કન્ઝ્યુમર ડ્યૂરેબલ્સ, ઈન્ફાસેક્ટર તેજી સાથે બંધ થયા. જ્યારે બેંકિંગ, ફાર્મા, હેલ્થકેર સેક્ટરના શેરમાં ઘટાડો જોવા મ્ળ્યો. આજના ટ્રેડમાં મિડ કેપ અને સ્મોલ કેપ સેક્ટરના શેર તેજી સાથે બંધ થયા. નિફ્ટીના 50 શેર્સમાં 33 શેરમાં તેજી અને 17માં મંદી જોવા મળી. જ્યારે સેન્સેક્સના 30 શેરમાંથી 20 તેજી સાથે તો 10 ઘટાડા સાથે બંધ થયા.
રોકાણકારોની સંપત્તિ
આજના ટ્રેડમાં બજારમાં તેજીના કારણે રોકાણકારોની સંપત્તિમાં ઉછાળો આવ્યો. બીએસઈમાં લિસ્ટેડ કંપનીઓનું માર્કેટ કેપ વધીને 288.04 લાખ કરોડ થયું છે, જે છેલ્લા ટ્રેડિંગ સેશનમાં 286.72 લાખ કરોડ રૂપિયા હતું. એટલે કે આજના કારોબારમાં રોકાણકારોની સંપત્તિમાં 1.32 લાખ કરોડ રૂપિયાનો વધારો થયો છે.
આજે કેવી થઈ હતી શરૂઆત
આજે બીએસઈનો સેન્સેક્સ 34.35 પોઈન્ટના વધારા સાથે 62,659ના સ્તરે ખુલવામાં સફળ રહ્યો હતો. આ સિવાય NSEનો નિફ્ટી 18,595.05ના સ્તરે 31.65 પોઈન્ટ વધારા સાથે શરૂઆત થઈ હતી. BPCL, SBI લાઇફ ઇન્સ્યોરન્સ, ટાટા મોટર્સ, ઇન્ફોસિસ અને HDFC લાઇફ નિફ્ટીમાં ટોપ ગેઈનર્સ હતા, જ્યારે ડિવિસ લેબ્સ, ઓએનજીસી, પાવર ગ્રીડ કોર્પ, ઇન્ડસઇન્ડ બેન્ક અને એક્સિસ બેન્ક ટોપ લુઝર્સ હતા.
| ઈન્ડેક્સનું નામ | બંધ થવાનું સ્તર | ઉચ્ચ સ્તર | નિમ્ન સ્તર | બદલાવ ટકામાં |
| BSE Sensex | 62,718.28 | 62,804.89 | 62,615.20 | 0.15% |
| BSE SmallCap | 31,618.07 | 31,640.70 | 31,421.14 | 0.72% |
| India VIX | 11.25 | 11.80 | 10.58 | 1.12% |
| NIFTY Midcap 100 | 34,342.30 | 34,372.30 | 34,090.95 | 0.55% |
| NIFTY Smallcap 100 | 10,533.70 | 10,541.70 | 10,452.65 | 0.87% |
| NIfty smallcap 50 | 4,793.70 | 4,798.10 | 4,745.95 | 1.16% |
| Nifty 100 | 18,545.80 | 18,570.20 | 18,498.30 | 0.24% |
| Nifty 200 | 9,796.65 | 9,808.20 | 9,765.45 | 0.28% |
| Nifty 50 | 18,601.50 | 18,633.60 | 18,559.75 | 0.21% |