Stock Market Closing, 26th May, 2023: સપ્તાહનો પ્રથમ કારોબારી દિવસ ભારતીય શેરબજાર માટે ખાસ ન રહ્યો. દિવસની શરૂઆત ઘટાડા સાથે થયા બાદ દિવસના અંતે સાધારણ વધારા સાથે બંધ રહ્યું. સતત ત્રીજા કારાબોરી દિવસે બજાર ઘટાડા સાથે બંધ રહ્યું હતું. આજે માર્કેટમાં ઘટાડો છતાં રોકાણકારોની સંપત્તિ વધીને 290.67 લાખ કરોડ થઈ છે, જે શુક્રવારે 289.45 લાખ કરોડ હતી. એટલેકે રોકાણકારોની સંપત્તિમાં એક લાખ કરોડથી વધુનો વધારો થયો છે.
આજે કેમ થયો માર્કેટમાં ઘટાડો
આજે વોલેટાલિટીના કારણે ભારતીય શેરબજાર સપાટ સ્તરે બંધ રહ્યું. સપ્તાહનું પ્રથમ ટ્રેડિંગ સત્ર ભારતીય શેરબજારના સૂચકાંકો સેન્સેક્સ અને નિફ્ટી બંને માટે ઉતાર-ચઢાવથી ભરેલું હતું. સેન્સેક્સ 9.37 પોઇન્ટના ઘટાડા સાથે 62970 પોઇન્ટ પર અને નિફ્ટી 25.7 પોઇન્ટ વધીને 18691.20 પોઇન્ટ પર બંધ રહ્યા. લગભગ 1859 શેર વધ્યા, 1787 શેર ઘટ્યા અને 171માં કોઈ બદલાવ થયો નહોતો.
ભારતીય બજાર માટે આજના સ્ટાર પરફોર્મર મિડ કેપ સેક્ટરના શેર હતા. રોકાણકારો તરફથી મિડ કેપ શેર્સમાં જોવા મળી. એફએમસીજી અને ફાર્મા શેરોમાં પણ જોરદાર ખરીદારી જોવા મળી. આજે એનટીપીસી, રિલાયન્સ ઈન્ડસ્ટ્રીઝ, ટીસીએસ, પાવર ગ્રીડ કોર્પોરેશન અને કોલ ઈન્ડિયા નિફ્ટીમાં ટોપ લુઝર્સ હતા, જ્યારે સિપ્લા, હીરો મોટોકોર્પ, અદાણી એન્ટરપ્રાઈઝ, ટાટા કન્ઝ્યુમર પ્રોડક્ટ્સ અને ડિવિસ લેબોરેટરીઝનો સમાવેશ થાય છે. સેક્ટોરલ મોરચે, ઓટો અને ફાર્મા દરેક 1 ટકા, જ્યારે એફએમસીજી અને મેટલ ઇન્ડેક્સ 0.5 ટકા વધ્યા છે. BSE મિડકેપ ઈન્ડેક્સ 1 ટકા અને સ્મોલકેપ ઈન્ડેક્સ 0.7 ટકા વધ્યા છે.
સેક્ટરોલ અપડેટ
આજના કારોબારમાં બેન્કિંગ, ઓટો, આઈટી, ફાર્મા, મેટલ્સ, એફએમસીજી, રિયલ એસ્ટેટ, મીડિયા, કોમોડિટી, કન્ઝ્યુમર ડ્યુરેબલ્સ, હેલ્થકેર સેક્ટરના શેરોમાં ઘટાડો જોવા મળ્યો છે જ્યારે ઓઈલ એન્ડ ગેસ, ઈન્ફ્રા, એનર્જી શેરોમાં વધારો જોવા મળ્યો છે. આજના કારોબારમાં મિડ કેપ સેક્ટરના શેરોમાં રોકાણકારોની સૌથી વધુ ખરીદી જોવા મળી હતી. મિડ કેપ ઈન્ડેક્સ 320 અથવા 0.92 ટકાના વધારા સાથે 35,120 પોઈન્ટ પર બંધ થયો હતો. સ્મોલ કેપ ઈન્ડેક્સ ઉછાળા સાથે બંધ રહ્યો હતો. સેન્સેક્સના 30 શેરોમાંથી 20 શેરો ઉછાળા સાથે જ્યારે 10 નુકસાન સાથે બંધ થયા હતા. જ્યારે નિફ્ટીના 50 શેરોમાંથી 36 શેર વધીને અને 14 ઘટીને બંધ રહ્યા હતા.
રોકાણકારોની સંપત્તિમાં રૂ. 1.22 લાખ કરોડનો વધારો થયો
આજના વેપારમાં શેરબજારમાં રોકાણકારોની સંપત્તિમાં વધારો થયો છે. બજાર બંધ થતાં BSEનું માર્કેટ કેપ રૂ. 290.67 લાખ કરોડ પર બંધ થયું છે, જે અગાઉના ટ્રેડિંગ સેશનમાં રૂ. 289.45 લાખ કરોડ હતું. આજના ટ્રેડિંગ સેશનમાં રોકાણકારોની સંપત્તિમાં 1.22 લાખ કરોડ રૂપિયાનો વધારો જોવા મળ્યો છે.
આજે સવારે કેવી થઈ હતી શરૂઆત
વૈશ્વિક બજારમાં મિશ્ર સંકેતોની વચ્ચે આજે ભારતીય બજારમાં સુસ્ત શરૂઆત થઈ હતી. સેન્સેક્સ 75.66 પોઈન્ટ અથવા 0.12% વધીને 63,055.03 પર અને નિફ્ટી 17.30 પોઈન્ટ અથવા 0.09% વધીને 18,682.80 પર હતો. લગભગ 1319 શેર વધ્યા, 990 શેર ઘટ્યા અને 181 શેર યથાવત હતા.
| ઈન્ડેક્સનું નામ | બંધ થવાનું સ્તર | ઉચ્ચ સ્તર | નિમ્ન સ્તર | બદલાવ ટકામાં |
| BSE MidCap | 28,275.90 | 28,293.07 | 27,911.73 | 1.07% |
| BSE Sensex | 62,960.17 | 63,136.09 | 62,853.67 | -0.03% |
| BSE SmallCap | 32,234.89 | 32,244.26 | 31,945.37 | 0.76% |
| India VIX | 11.40 | 11.93 | 11.24 | 1.42% |
| NIFTY Midcap 100 | 35,120.45 | 35,157.25 | 34,659.75 | 0.92% |
| NIFTY Smallcap 100 | 10,689.85 | 10,699.00 | 10,592.20 | 0.62% |
| NIfty smallcap 50 | 4,796.35 | 4,802.35 | 4,749.15 | 0.81% |
| Nifty 100 | 18,632.75 | 18,654.95 | 18,578.05 | 0.20% |
| Nifty 200 | 9,866.90 | 9,874.80 | 9,827.20 | 0.30% |
| Nifty 50 | 18,691.20 | 18,722.05 | 18,646.70 | 0.14% |
Join Our Official Telegram Channel: