દેશમાં ઇલેક્ટ્રિક વાહનોને પ્રોત્સાહન આપવા માટે મોદી સરકારે જીએસટીમાં મોટો કાપ મુક્યો છે. જીએસટીમાં ઘટાડાથી ઇલેક્ટ્રૉનિક ગાડીઓ સસ્તી થઇ છે, અને આ કડીમાં દિગ્ગજ ઓટોમૉબાઇલ્સ કંપની ટાટા મોટર્સે ગુરુવારે પોતાની ઇલેક્ટ્રિકલ્સ વાહન (EV) ટિગોર ઇવીની કિંમતમાં 80,000 રૂપિયા સુધીનો ઘટાડો કરી દીધો છે. આ ઘટાડો ઓગસ્ટથી લાગુ થયો છે.
ઉલ્લેખનીય છે કે, કંપનીનું કહેવું છે કે, ટિગોર (TIGOR) ઇવીના બધા વેરિએન્ટ્સ- એક્સઇ (બેઝ), એક્સએમ (પ્રીમિયમ) અને એક્સટી (હાઇ)ની કિંમતોમાં ઘટાડો કરવામાં આવ્યો છે, જે હવે ગ્રાહકોને 11.58 લાખ રૂપિયાથી લઇને 11.92 લાખ રૂપિયા સુધીમાં ઉપલબ્ધ થશે.