Adani Group IPO: અદાણી વિલ્મરનો IPO ફેબ્રુઆરી 2022માં આવ્યો હતો જેણે રોકાણકારોને મલ્ટિબેગર રિટર્ન આપ્યું હતું. પરંતુ આગામી સમયમાં અદાણી ગ્રુપની વધુ કંપનીઓના આઈપીઓ આવી શકે છે. અદાણી એન્ટરપ્રાઇઝ એ ​​જૂથની મુખ્ય એટલે કે હોલ્ડિંગ કંપની છે, જેમાં અન્ય ઘણી કંપનીઓનો સમાવેશ થાય છે. એવું માનવામાં આવે છે કે આગામી દિવસોમાં અદાણી જૂથ આ કંપનીઓને સ્ટોક એક્સચેન્જમાં લિસ્ટ કરાવી શકે છે. આનાથી રિટેલ રોકાણકારોને અદાણી ગ્રુપની કંપનીઓમાં રોકાણ કરવાની મોટી તક મળશે.


અદાણી એન્ટરપ્રાઈઝ સાથે સંકળાયેલી કંપનીઓ જેનો IPO આવી શકે છે તે નીચે મુજબ છે.



  1. અદાણી ન્યૂ એનર્જીઃ અદાણી ગ્રુપની આ કંપની સોલ સેલ, વિન્ડ ટર્બાઈન, જનરેટર, ઈલેક્ટ્રોલાઈઝર અને ગ્રીન હાઈડ્રોજન ઈંધણનું ઉત્પાદન કરે છે. એવું માનવામાં આવે છે કે કંપની ભવિષ્યમાં અદાણી ન્યૂ એનર્જીના આઈપીઓ લઈને આવી શકે છે.

  2. અદાણી કોનેક્સઃ અદાણી કોનેક્સ એ અદાણી ગ્રુપ અને એજકોનેક્સ વચ્ચેનું સંયુક્ત સાહસ છે, જે 10 વર્ષમાં 1 ગીગાવોટની ડેટા ક્ષમતા સ્થાપિત કરવાનું લક્ષ્ય ધરાવે છે. EdgeConnex વિશ્વનું સૌથી મોટું ખાનગી ડેટા સેન્ટર ઓપરેટર છે. એવું માનવામાં આવે છે કે અદાણી ગ્રુપ ભવિષ્યમાં અદાણી કોનેક્સનો આઈપીઓ પણ લોન્ચ કરી શકે છે.

  3. અદાણી એરપોર્ટ: અદાણી એરપોર્ટ દેશનું સૌથી મોટું ખાનગી એરપોર્ટ ઓપરેટર બની ગયું છે. કંપની પાસે પેસેન્જર ટ્રાફિકમાં 25 ટકા અને કાર્ગોમાં 40 ટકા હિસ્સો છે. કંપની પાસે મુંબઈ ઈન્ટરનેશનલ એરપોર્ટનું મેનેજમેન્ટ નિયંત્રણ છે. તો આ સિવાય અમદાવાદ, લખનઉ, મેંગલુરુ, જયપુર, ગુવાહાટી અને તિરુવનંતપુરમના એરપોર્ટને આધુનિક બનાવવામાં આવનાર છે. માનવામાં આવે છે કે અદાણી ગ્રૂપ એરપોર્ટ બિઝનેસને સ્ટોક એક્સચેન્જ પર પણ લિસ્ટ કરી શકે છે.

  4. અદાણી ડિફેન્સ એન્ડ એરોસ્પેસઃ અદાણી જૂથે સંરક્ષણ ક્ષેત્રમાં પણ પ્રવેશ કર્યો છે. કંપની UAV, ડ્રોનથી લઈને એરક્રાફ્ટ સર્વિસના ક્ષેત્રમાં હાજર છે. આ સાથે કંપની ઘણા સંરક્ષણ ઉપકરણોનું પણ ઉત્પાદન કરી રહી છે. કંપની આત્મનિર્ભર ભારત અભિયાનના સંરક્ષણ ઉત્પાદનમાં તેની હાજરી નોંધાવવા માંગે છે. આગામી સમયમાં અદાણી ડિફેન્સ અને એરોસ્પેસનો આઈપીઓ પણ આવી શકે છે.

  5. અદાણી રોડ ટ્રાન્સપોર્ટઃ અદાણી ગ્રુપ રોડ બાંધકામના ક્ષેત્રમાં પણ ઝડપથી વિસ્તરી રહ્યું છે. કંપની હાઇવે, એક્સપ્રેસવે અને ટનલના નિર્માણના ક્ષેત્રમાં હાજર છે. આ સાથે કંપનીએ મેટ્રો રેલ અને રેલવેમાં પણ પગ મુક્યો છે. કંપની પાસે પહેલેથી જ 300 કિલોમીટરની ખાનગી રેલ લાઇન છે જે તેના બંદરને જોડે છે. આ સાથે 650 કિલોમીટરનો હાઇવે પણ બનાવવામાં આવી રહ્યો છે. આગામી સમયમાં અદાણી રોડ ટ્રાન્સપોર્ટનો આઈપીઓ પણ આવી શકે છે.