Anant Ambani - Radhika Merchant Wedding: RSS વડા મોહન ભાગવત (RSS Chief Mohan Bhagwat) આજે શુક્રવારે (28 જૂન) રિલાયન્સ ઇન્ડસ્ટ્રીઝના માલિક (Reliance Industries Chairman) અને પ્રખ્યાત ઉદ્યોગપતિ મુકેશ અંબાણી (Mukesh Ambani) ના ઘરે પહોંચ્યા હતા. મુકેશ અંબાણીના પુત્ર અનંત અંબાણી (Anant Ambani) પહેલાથી જ મોહન ભાગવતના સ્વાગત માટે ગેટ પર હાજર હતા અને મોહન ભાગવત પહોંચતા જ તેમના ચરણ સ્પર્શ કરીને આશીર્વાદ લીધા હતા.
કહેવામાં આવી રહ્યું છે કે અનંત અંબાણીના લગ્ન પહેલા તમામ મોટા વીઆઈપી સાથે ફોટોશૂટ (VIP Photoshoot) ચાલી રહ્યું છે અને આ અંતર્ગત મોહન ભાગવત આજે અંબાણીના ઘરે એન્ટિલિયા પહોંચ્યા હતા. મુકેશ અંબાણી અને નીતા અંબાણીના ઘરે ફરી એકવાર મેગા સેલિબ્રેશન શરૂ થઈ રહ્યું છે. આ પહેલા અનંત અંબાણીના પ્રી-વેડિંગ સેલિબ્રેશનની (Anant Ambani Radhika Merchant Pre Wedding Celebration) ખૂબ ચર્ચા થઈ હતી. હવે તેમના લગ્નની ઉજવણીનો વારો છે.
12મી જુલાઈના રોજ યોજાનાર છે લગ્ન, હવેથી ઉજવણી શરૂ થશે
અનંત અંબાણી (Anant Ambani Marriage) અને રાધિકા મર્ચન્ટના લગ્ન આવતા મહિને એટલે કે 12મી જુલાઈના રોજ થવાના છે, પરંતુ તેના માટે સેલિબ્રિટીઝની ભીડ અત્યારથી જ આવવા લાગી છે. લગ્નનો આ ભવ્ય કાર્યક્રમ મુંબઈમાં જ યોજાનાર છે. આ પછી 13મી જુલાઈએ આશીર્વાદનો કાર્યક્રમ અને 14મી જુલાઈએ તેમનું ભવ્ય સ્વાગત થશે.
અનંત અંબાણી રિલાયન્સ ઈન્ડસ્ટ્રીઝના ચેરમેન મુકેશ અંબાણી અને તેમની પત્ની નીતા અંબાણીના નાના પુત્ર છે અને મુંબઈમાં એન્કોર હેલ્થકેરના સીઈઓ વિરેન મર્ચન્ટ (Viren Merchant) અને શૈલા મર્ચન્ટની પુત્રી રાધિકા મર્ચન્ટ સાથે લગ્ન કરવા જઈ રહ્યા છે.
જામનગરમાં દુનિયાભરમાંથી લોકોને આમંત્રિત કરવામાં આવ્યા હતા
આ વર્ષની શરૂઆતમાં જામનગરમાં (Jamnagar) આયોજિત પ્રિ-વેડિંગ સેલિબ્રેશનમાં વિશ્વભરમાંથી અનેક સ્ટાર્સે ભાગ લીધો હતો. આ અવસર પર બિઝનેસ જગત, બોલિવૂડ અને હોલીવુડના સ્ટાર્સે ભાગ લીધો હતો, જે બાદ તે યાદગાર સમારોહ બની ગયો હતો. ઈવાન્કા ટ્રમ્પ (Ivanka Trump), માઇક્રોસોફ્ટના સહ-સ્થાપક બિલ ગેટ્સ (Bill Gates), મેટાના સ્થાપક માર્ક ઝકરબર્ગ (Mark Zuckerberg) અને તેમની પત્ની પ્રિસિલા ચાન સન્માનિત મહેમાનોમાં સામેલ હતા. પોપ સેન્સેશન રીહાન્નાએ (Rihanna) ભારતમાં તેનું પ્રથમ પરફોર્મન્સ આપ્યું હતું.