ISRO's Chandrayaan 3 Live Updates: ચંદ્રયાન-3 સફળતાપૂર્વક લોન્ચ, અંતરિક્ષમાં ભારતની ઉડાન
દેશના ત્રીજા ચંદ્ર મિશન ચંદ્રયાન-3ના પ્રક્ષેપણ માટે કાઉન્ટડાઉન શરૂ થઈ ગયું છે. ચંદ્રયાન 3 આજે શ્રીહરિકોટા સ્થિત કેન્દ્રથી લોન્ચ કરવામાં આવશે.
ઓસ્ટ્રેલિયાના ભારત સ્થિત રાજદૂતે પણ ચંદ્રયાન-3ના સફળતાપૂર્વક લોન્ચિંગ માટે ઈસરોને અભિનંદન પાઠવ્યા છે. આ અંગે તેમણે ટ્વિટ કર્યુ છે.
બાયોકોનના કિરણ મઝુમદાર શોએ કહ્યું, ચંદ્રયાન-3ના સફળતાપૂર્વક લોન્ચ માટે ઈસરોની ટીમને અભિનંદન. ભારતના સ્પેસ પ્રોગ્રામમાં વધુ એક માઈલસ્ટોન.
કોંગ્રેસ અધ્યક્ષ મલ્લિકાર્જુન ખડગેએ પણ ઈસરોના ચંદ્રયાન-3ના સફળતાપૂર્વક લોન્ચ પર ટ્વિટ કર્યું.
ઈસરોના સફળતાપૂર્વક લોન્ચ પર કેન્દ્રીય ગૃહમંત્રી અમિત શાહે ટ્વિટ કરીને અભિનંદન આપ્યા.
ચંદ્રયાન 3 આજે સફળતાપૂર્વક લોન્ચ થઇ ગયું. આ સફળતાને લઇને ઇસરોના ચીફ એસ સોમનાથે વૈજ્ઞાનિકોને શુભકામના પાઠવી છે.ચંદ્રયાન 3 આજે સફળતાપૂર્વક લોન્ચ થઇ ગયું. આ સફળતાને લઇને ઇસરોના ચીફ એસ સોમનાથે વૈજ્ઞાનિકોને શુભકામના પાઠવી છે. આ પહેલા મિશનની સફળતાને લઇને ઈસરોના પૂર્વ વડા માધવન નાયરે કહ્યું હતું કે, માનવીય રીતે જે પણ શક્ય હતું તે થઈ ગયું છે. મને ચંદ્રયાન-3 મિશન નિષ્ફળ થવાનું કોઈ કારણ દેખાતું નથી.પીએમ મોદીએ પણ ઇસરોના મૂન મિશનને લઇને શુભકામના પાઠવી છે.
ભારતીય અવકાશ સંશોધન સંસ્થા (ઇસરો)ના ભૂતપૂર્વ વૈજ્ઞાનિક નામ્બી નારાયણને ચંદ્રયાન-3ને સંભવિત ગેમ-ચેન્જર તરીકે વર્ણવ્યું. જે સમગ્ર વિશ્વ માટે પ્રેરણારૂપ બનશે. તેમની ટિપ્પણી ભારતના મહત્વાકાંક્ષી ચંદ્ર મિશનના પ્રક્ષેપણની પૂર્વસંધ્યાએ આવી હતી. તેમણે કહ્યું કે ત્રીજા ચંદ્ર અન્વેષણ મિશનમાં ચંદ્રયાન-2 સાથે જે સમસ્યાઓ આવી છે તેને ટાળવાના પ્રયાસો કરવામાં આવી રહ્યા છે
કિરણ મઝુમદાર શોએ લખ્યું, ઈસરોનું આ મિશન નવી ઊંચાઈઓ સુધી પહોંચે અને ચંદ્રના વધુ રહસ્યો ખોલે તેવી શુભકામના.
ISRO ને ટેગ કરતા અનુપમ ખેરે ટ્વિટર પર લખ્યું, ભારત ચંદ્ર પર તેના ત્રીજા મિશન માટે તૈયાર છે. ચંદ્રયાન-3ના પ્રક્ષેપણ માટે ઈસરોના અમારા વૈજ્ઞાનિકોને શુભકામનાઓ. આપણો રાષ્ટ્રધ્વજ ઊંચો લહેરાતો રહે. જય હિન્દ
ચંદ્રયાન-3માં ગોદરેજ એરોસ્પેસનું પણ મહત્વનું યોગદાન છે. ચંદ્રયાન-3ને લઈ જનારા રોકેટના બીજા તબક્કા માટેના બે એન્જિન ગોદરેજ એરોસ્પેસ દ્વારા બનાવવામાં આવ્યા છે. "ચંદ્રયાન 3 એ ખૂબ જ પ્રતિષ્ઠિત મિશન છે, ગોદરેજ એ બે એન્જિન માટે હાર્ડવેરનું યોગદાન આપ્યું છે, જે બીજા તબક્કાના એન્જિન છે," ગોદરેજ એરોસ્પેસના એસોસિયેટ વાઇસ પ્રેસિડેન્ટ અને બિઝનેસ હેડ માણેક બહરામકમદીને જણાવ્યું હતું. તેમણે વધુમાં કહ્યું કે, જો અમારી સમજ સાચી હોય તો લગભગ 80-90 ટકા મિશન (ચંદ્રયાન-3) સ્વદેશી છે. આ આપણા ISROના સ્થાપકો અને મહેનતુ વૈજ્ઞાનિકોને શ્રદ્ધાંજલિ છે.
આંધ્રપ્રદેશના શ્રીહરિકોટામાં સતીશ ધવન સ્પેસ સેન્ટર (SDSC-SHAR) ખાતે મિશન ચંદ્રયાન-3 માટે કાઉન્ટડાઉન શરૂ થઇ ગયું છે. L-110 સ્ટેજનું પ્રોપેલન્ટ ફિલિંગ પૂર્ણ થયું છે. ISROનું કહેવું છે કે C-25 તબક્કામાં પ્રોપેલન્ટ ભરવાનું શરૂ થઈ રહ્યું છે.
ચંદ્રયાન-3 40 દિવસમાં પૃથ્વીથી ચંદ્ર સુધીનું 3.84 લાખ કિલોમીટરનું અંતર કાપશે. પ્રક્ષેપણ પછી, રોકેટ તેને પૃથ્વીની બાહ્ય ભ્રમણકક્ષામાં લઈ જશે. આ દરમિયાન રોકેટ મહત્તમ 36 હજાર કિમી પ્રતિ કલાકની ઝડપે જશે. તેને પૂર્ણ કરવામાં 16 મિનિટનો સમય લાગશે.
ચંદ્રયાન 3 શુક્રવારે બપોરે 2.35 કલાકે લોન્ચ થવાનું છે. જોકે તેની લોન્ચિંગ વિન્ડોને 19 જુલાઈ સુધી લંબાવવામાં આવી છે.
ઈસરોના વડા એસ. સોમનાથે જણાવ્યું કે, લોન્ચ થયા બાદ ચંદ્રયાન-3 પૃથ્વીની ભ્રમણકક્ષામાં જશે અને પછી ધીમે ધીમે ચંદ્ર તરફ આગળ વધશે. અમે આશા રાખીએ છીએ કે બધું સારી રીતે થશે અને 23 ઓગસ્ટે અથવા તેના પછી કોઈપણ દિવસે લેન્ડિંગ કરશે.
ચંદ્રયાન-3નું ચંદ્ર પર ઉતરાણ 23-24 ઓગસ્ટના રોજ રાખવામાં આવ્યું છે, પરંતુ ત્યાં સૂર્યોદયની સ્થિતિને જોતા તેમાં ફેરફાર થઈ શકે છે. જો સૂર્યોદયમાં વિલંબ થાય છે, તો ISRO ઉતરાણનો સમય વધારી શકે છે અને સપ્ટેમ્બરમાં કરી શકે છે.
ચંદ્રયાન-2ની જેમ ચંદ્રયાન-3માં પણ લેન્ડર અને રોવર મોકલવામાં આવશે પરંતુ તેમાં ઓર્બિટર નહીં હોય. કારણ કે અગાઉના ચંદ્ર મિશનનું ઓર્બિટર હજુ પણ અવકાશમાં કામ કરી રહ્યું છે.
બ્રેકગ્રાઉન્ડ
ISRO's Chandrayaan 3 Live Updates: દેશના ત્રીજા ચંદ્ર મિશન ચંદ્રયાન-3ના પ્રક્ષેપણ માટે કાઉન્ટડાઉન શરૂ થઈ ગયું છે. ચંદ્રયાન 3 શુક્રવાર (14 જુલાઈ) ના રોજ શ્રીહરિકોટા સ્થિત કેન્દ્રથી લોન્ચ કરવામાં આવશે. આ ચંદ્ર મિશન વર્ષ 2019ના ચંદ્રયાન 2નું ફોલો-અપ મિશન છે. ભારતના આ ત્રીજા ચંદ્ર મિશનમાં વૈજ્ઞાનિકોએ ચંદ્રની સપાટી પર લેન્ડરનું 'સોફ્ટ લેન્ડિંગ' કરવાનું લક્ષ્ય રાખ્યું છે. 'ચંદ્રયાન-2' મિશન દરમિયાન, અંતિમ ક્ષણોમાં, લેન્ડર 'વિક્રમ' પાથના વિચલનને કારણે 'સોફ્ટ લેન્ડિંગ' કરી શક્યું ન હતું.
ISROનો મહત્વકાંક્ષી ચંદ્રયાન પ્રોજેક્ટ શુક્રવારે એટલે કે આજે LVM3M4 રોકેટ સાથે અવકાશમાં જશે. આ રોકેટને પહેલા GSLVMK3 કહેવામાં આવતું હતું. અવકાશ વિજ્ઞાનીઓ ભારે સાધનો વહન કરવાની ક્ષમતાને કારણે તેને 'ફેટ બોય' પણ કહે છે. ઓગસ્ટના અંતમાં 'ચંદ્રયાન-3'નું 'સોફ્ટ લેન્ડિંગ' કરવાનું આયોજન કરવામાં આવ્યું છે.
જો આ મિશન સફળ થશે તો ભારત અમેરિકા, ચીન અને ભૂતપૂર્વ સોવિયત સંઘ જેવા દેશોની ક્લબમાં સામેલ થઈ જશે જેમણે આવી સિદ્ધિ હાંસલ કરી છે. ISRO એ ગુરુવારે (13 જુલાઈ) એક સોશિયલ મીડિયા પોસ્ટમાં જણાવ્યું હતું કે, 'LVM3M4-ચંદ્રયાન-3 મિશન: શુક્રવાર-14 જુલાઈ 14.35 કલાકે (2:35 PM) ઉડાન ભરશે.
સ્પેસ એજન્સીએ કહ્યું કે 'ચંદ્રયાન-3' પ્રોગ્રામ હેઠળ, ISRO ચંદ્રની સપાટી પર 'સોફ્ટ-લેન્ડિંગ' અને તેના ચંદ્ર મોડ્યુલની મદદથી ચંદ્રની ભૂપ્રદેશ પર રોવરનું પરિભ્રમણ દર્શાવીને નવી સીમાઓ પાર કરવા જઈ રહ્યું છે.
ચંદ્રયાન-3 મિશન જેમાં સ્વદેશી પ્રોપલ્શન મોડ્યુલ, લેન્ડર મોડ્યુલ અને રોવરનો સમાવેશ થાય છે તેનો હેતુ આંતર-ગ્રહીય મિશન માટે જરૂરી નવી ટેકનોલોજી વિકસાવવા અને તેનું પ્રદર્શન કરવાનો છે. શુક્રવારનું મિશન એ LVM3 ની ચોથી ઓપરેશનલ ફ્લાઇટ છે જેનો ઉદ્દેશ્ય ચંદ્રયાન-3ને જીઓસિંક્રોનસ ભ્રમણકક્ષામાં લોન્ચ કરવાનો છે.
આ પહેલા, મંગળવાર (11 જુલાઈ) ના રોજ, શ્રીહરિકોટા ખાતે સમગ્ર પ્રક્ષેપણની તૈયારી અને પ્રક્રિયાને જોવા માટે 'લોન્ચ ડ્રીલ' યોજવામાં આવી હતી, જે 24 કલાકથી વધુ સમય સુધી ચાલી હતી. બીજા દિવસે, વૈજ્ઞાનિકોએ મિશનની તૈયારીની સમીક્ષા પૂર્ણ કરી.
- - - - - - - - - Advertisement - - - - - - - - -