છેલ્લા દોઢ વર્ષથી કોરોના મહામારીએ સમગ્ર વિશ્વને ભરડામાં લીધું છે. કોરોનાને નાથવા હાલ વિશ્વભરમાં રસીકરણ અભિયાન ચાલી રહ્યું છે, તેમ છતાં નવા નવા સ્ટ્રેઇન સાથે કોરોના પ્રગટ થઈને કહેર મચાવતો રહે છે. હાલ કોરોનાથી બચવા માટે ઈન્જેક્શન દ્વારા વેક્સિન આપવામાં આવે છે પરંતુ ભવિષ્યમાં ટેબલેટ અને પાવડરના રૂપમાં પણ વેક્સિન મળી શકે છે.
બીબીસીના રિપોર્ટ પ્રમાણે, સ્વીડનના સૌથી મોટા સાયન્સ પાર્કએ ઈન્ઝેમો એન્ડરસનના નેતૃત્વમાં આ દિશામાં કામ કરવાનું શરૂ કર્યું છે. તેઓ પ્લાસ્ટિકનું એક પાતળું ઈનહેલસર (સ્પ્રે) બનાવી રહ્યા છે, જેની સાઇઝ માચીસ બોક્સથી પણ અડધી હશે. એન્ડરસનને આ ઈનહેલર કોરોના સામેના જંગમાં વિશ્વ માટે મજબૂત હથિયાર સાબિત થશે તેવો વિશ્વાસ છે. આ ઈનહેલર દ્વારા લોકો વેક્સિનને એક પાઉડર વર્ઝનમાં પોતાના ઘરે લઈ જઈ શકશે.
કેવી રીતે કામ કરશે વેક્સિન
કંપનીના સાઈઓના કહેવા મુજબ આ ખૂબ સસ્તી અને સરળતાથી પ્રોડ્યૂસ થનારી ટેકનીક છે, જેનો ઉપયોગ સામાન્ય રીતે અસ્થમાના દર્દી કરે છે. તેમણે જણાવ્યું, તેના પર લાગેલી એક નાની પ્લાસ્ટિક પટ્ટીને દૂર કરવાથી ઈનહેલર એક્ટિવ થઈ જશે. જે બાદ તેને મોં મા લગાવીને શ્વાસ લેવો પડશે. આ ઈનહેલરથી વેક્સિન નાકથી લઈ ફેફસા સુધી પોતાની અસર બતાવવા લાગશે.
શું છે ખાસિયત
આઈકોનોવો નામની કંપનીએ સ્ટોકહોમમાં એક ઈમ્યૂનોલોજી રિસર્ચ સ્ટાર્ટઅપ સાથે સમજૂતી કરી છે. આ કંપનીએ કોવિડ-19 ડ્રાઇ પાવડર વેક્સિન વિકસિત કરી છે. આ વેક્સિનને 40 ડિગ્રી તાપમાનમાં પણ રાખી શકાશે. જ્યારે વિશ્વ સ્વાસ્થ્ય સંગઠન દ્વારા કોઈપણ લિક્વિડ ફોર્મ વેક્સિનને સ્ટોર કરીને રાખવામાં મુશ્કેલી પડે છે. તેને ફ્રીઝ સુધી પહોંચાડતા પહેલા કાચની મજબૂત પેટીમાં -70 ડિગ્રી સેલ્સિયસ તાપમાનમાં રાખવી પડે છે. આમ ન થાય તો વેક્સિનની અસરકારકતા ઓછી થઈ જાય છે. તેની બીજી ખાસ વાત એ છે કે હેલ્થકેર પ્રોવાઇડર્સની મદદ વગર લોકોને આપી શકાશે. જેના પરિણામે તે ડિસ્ટ્રીબ્યુશન ચેઇન વગર મોટી ગેમ ચેંજર સાબિત થઈ શકે છે.