અડાલજ પોલીસને બાતમી મળી હતી કે, ત્રિમંદિર રોડ પર સોહમ કોલ્ડ સ્ટોરેજ પાસે આવેલા ગ્રાઉન્ડમાં ક્રિકેટ મેચ ચાલી રહી છે જ્યાં ઘણાં યુવકો અને યુવીઓ ત્યાં બેઠા છે અને તેમાં ઘણાં લોકો દારૂની મહેફિલ માણી રહ્યા છે. આ બાતમીના આધારે અડાલજ પોલીસની ટીમે ગ્રાઉન્ડમાં દરોડા પાડ્યા હતાં. પોલીસે જ્યારે ગ્રાઉન્ડ પર દરોડા પાડ્યા ત્યારે ત્યાં દોડધામ મચી ગઈ હતી.
જોકે પોલીસે તમામની અટકાયત કરી હતી. જેમાં 14 જેટલા શખ્સો દારૂ પીધેલી હાલતમાં પકડાયા હતાં. કેટલીક યુવતીઓ પણ ખુરશીમાં બેઠેલી હતી તેમની પણ તપાસ કરવામાં આવી હતી જોકે તે યુવતીઓએ દારૂ પીધો નહતો.
પોલીસે દારૂની 9 બોટલ, 7 ખાલી બોટલ, નમકીનના પડીકા કબ્જે કર્યાં હતા. ઘાટલોડિયાની ન્યૂ ઉમિયા વિજય સોસાયટીમાં રહેતા કેવિન પટેલે તેની બહેનના લગ્નની મિત્રો અને ફેમિલીને દારૂની પાર્ટી આપી હતી.