તેમણે કહ્યુ કે, 35મા દિવસે વિદેશોની તુલનામાં રાજ્યમાં કોરોના સંક્રમણની ઝડપ ઓછી છે. રાજ્યમાં કોવિડ 19 દર્દીઓની સારવાર માટે 10 હજાર 500 બેડની સુવિધાઓ ઉપલબ્ધ છે. મેટ્રો સિટીમાં ચાર હજાર બેડની વ્યવસ્થા કરવામાં આવી છે. રાજ્યની 31 પ્રાઇવેટ હોસ્પિટલમાં 3850 જેટલા બેડની વ્યવસ્થા કરવામાં આવી છે. તેમણે કહ્યુ કે, જો જરૂર પડશે તો બેડની વ્યવસ્થામાં વધારો કરવામાં આવશે.
સાથે તેમણે કહ્યુ કે રાજ્યમાં હાલમાં એક લાખ 1 હજાર જેટલી પીપીઇ કીટ ઉપલબ્ધ છે.રાજ્યમાં કોરોનાના ટેસ્ટિંગની કેપેસિટી 3770 પર પહોંચી છે. રાજ્યમાં 36 હજાર 730 લોકો ક્વોરેન્ટાઇન હેઠળ છે જ્યારે 32 હજાર 119 લોકો હોમ ક્વોરેન્ટાઇન હેઠળ છે. સરકારી ક્વોરેન્ટાઇનમાં 3565 લોકો સારવાર લઈ રહ્યા છે.