હવામાન વિભાગના જણાવ્યા પ્રમાણે, ગુજરાતમાં હાલ દક્ષિણ-પશ્ચિમથી પશ્ચિમ દિશાનો પવન છે. હાલની સ્થિતિ પ્રમાણે સોમવારે સુરત, ડાંગ, નવસારી અને તાપી સહિતના વિસ્તારોમાં ભારે વરસાદ વરસે તેવી સંભાવના છે.
આ ઉપરાંત મંગળવારે ડાંગ અને તાપી તો ગુરૂવારે છોટા ઉદેપુર, પંચમહાલ, દાહોદ જ્યારે શુક્રવારે દાહોદ, પંચમહાલમાં ભારે વરસાદ પડે તેવી સંભાવના છે. હવામાન વિભાગના મતે અમદાવાદમાં આવતીકાલે છૂટાછવાયા ઝાપટાં પડી શકે છે.
ચોમાસાની વર્તમાન સિઝનમાં 9.84 ઈંચથી ઓછો વરસાદ પડ્યો હોય તેવા એકપણ તાલુકા નથી. 15 તાલુકામાં 9.88થી 19.68 ઈંચ, 125 તાલુકામાં 19.72થી 39.37 ઈંચ, 111 તાલુકામાં 19.72 ઈંચથી વધુ વરસાદ નોંધાઇ ચૂક્યો છે.