ઉદ્યાનની અંદર મુલાકાતીઓ પાંજરાને અડે નહીં અને ખાદ્ય પદાર્થ ન ખવડાવે તેની માટે બફર ઝોનની વ્યવસ્થા ગોઠવવામાં આવી છે. ઈદ્રોડા પાર્કમાં નવા આકર્ષણ તરીકે 37થી વધુ મગર જોવા મળશે. પાર્કમાં સેનિટાઈઝરની સુવિધા પણ ઊભી કરવામાં આવી છે. મુલાકાતીઓએ ફજિયાત માસ્ક અને સેનિટાઈઝરના નિયમનું ચુસ્ત પાલન કરવાનું રહેશે.
ગુજરાતમાં 1191 કોરોના વાયરસના કેસ નોંધાયા છે. રાજ્યમાં શુક્રવારે વધુ 11 લોકોનાં મોત સાથે કોરોનાથી કુલ મૃત્યુઆંક 3620 પર પહોંચ્યો છે. રાજ્યમાં આજે કુલ 1279 દર્દીઓએ કોરોનાને મ્હાત આપી છે. આ સાથે અત્યાર સુધીમાં કુલ 1,39,149 દર્દીઓએ કોરોના વાયરસને મ્હાત આપી છે.