સૌરભ પટેલે કહ્યું કે, રાજ્યમાં મોટાભાગના ઔધોગિક એકમો વીજ વિતરણ કંપનીઓ પાસેથી વિજળી મેળવે છે અને તેના પર હાલમાં 15 ટકા વીજ ટેક્સ છે. વર્તમાન ટેરિફ અનુસાર યુનિટ દીઠ તેનો ખર્ચ આશરે રૂ 1.05 રૂપિયા થવા જાય છે, જયારે કેપ્ટીવ વપરાશ કરતા ઔદ્યોગિક એકમો પાસેથી સરકાર પાંચ પૈસાના વધારા બાદ 60 પૈસા જ વસૂલી રહી છે.
આજે ગુજરાત વિધાનસભામાં ગુજરાત વિદ્યુત શુલ્ક સુધારા બિલ રજૂ કરતાં સૌરભ પટેલે કહ્યુ કે, પરંપરાગત સ્ત્રોતોથી વીજ ઉત્પન્ન કરતા એકમો પોતાનું મૂડીરોકાણ કરતા હોવાથી વિજળી તેઓને મોંઘી પડતી હોવાના કારણે આ ઘટાડો કરવા રજૂઆત કરી હતી.