હવામાન વિભાગની આગાહી પ્રમાણે મોડી રાતે છોટાઉદેપુરમાં ધોધમાર વરસાદ ખાબક્યો હતો. છોટાઉદેપુરમાં મોડી રાતે 5.7 ઈંચ જેટલો વરસાદ ખાબક્યો હતો. ભારે વરસાદને કારણે ઠેરઠેર પાણી ભરાઈ ગયા છે. ધોધમાર વરસાદને પગલે નદી-નાળા અને ખેતરોમાં પાણી ભરાઈ ગયા છે.
છોટાઉદેપુર રાત્રે 5.7 ઈંચ જેટલો વરસાદ ખાબકી જતાં ઠેર ઠેર પાણી ભરાયા છે. છોટા ઉદેપુરના સંખેડામાં 4.2 ઈંચ, પાવી જેતપુરમાં 3.4 ઈંચ, બોડેલીમાં 3.3 ઈંચ, ક્વાંટમાં 2.8 ઈંચ, નસવાડીમાં અડધો ઈંચ જેટલો વરસાદ ખાબકી જતાં ઠેર ઠેર પાણી ભરાયા છે. ભારે વરસાદને પગલે ખેડૂતોમાં ખુશી જોવા મળી હતી.
મોડી રાતે છોટા ઉદેપુર જીલ્લામાં પડેલા ધોધમાર વરસાદને પગલે નદી-નાળા છલકાઈ ગયા હતા જેને કારણે ગામના લોકોને મુશ્કેલીનો સામનો કરવો પડ્યો હતો. મોટી સઢલીની સુકત નદીમાં બે કાંઠે વહેતી થતાં ગ્રામજનો મુશ્કેલીમાં મુકાઈ ગયા હતાં. કોઝ વે ઉપર પાણી ફરી વળતાં અવર જવર બંધ થઈ ગઈ હતી.
આ ઉપરાંત ભારે વરસાદને લઈ છોટાઉદેપુરની ઓરસંગ બે કાંઠે વહેતી થઈ હતી. જેને કારણે ખેડૂતોમાં ખુશી જોવા મળી હતી. રાત્રી દરમિયાન જિલ્લામાં સાર્વત્રિક વરસાદ થયો હતો. જિલ્લાની સૌથી મોટી ઓરસંગ નદીમાં ભારે માત્રામાં પાણીની આવક થઈ રહી છે.