Gujarat Weather Update: બીપરજોય વાવાઝોડાની આગાહીને પગલે દમણ પ્રશાસન સતર્ક બન્યું છે. દમણ દરિયામાં મોટી ભરતી જોવા મળી રહી છે. દરિયામાં ઊંચા તોતિંગ મોજા ઉછળી રહ્યા છે. સુંદર લાગતો દમણનો દરિયો ડરામણો લાગવા લાગ્યો છે. દમણના દરિયાએ કિનારો વટાવ્યો છે. પર્યટકોને દરિયા કિનારાથી દુર રહેવા સૂચના આપવામાં આવી છે.
તો બીજી તરફ સંભવીત વાવાઝોડાની ગંભીર પરિસ્થિતિમાં લોકોની બેદરકારી સામે આવી છે. સંભવીત વાવાઝોડાને કારણે પોરબંદરના દરિયામાં સામાન્ય કરંટ જોવા મળી રહ્યો છે. દરિયામાં કરંટ હોવા છતાં પણ લોકો દરિયાની નજીક જાય છે. મહિલાઓ અને યુવાનો દરિયાની નજીક જઈ સેલ્ફી લેતા નજરે પડ્યા છે. લોકો દરિયાના પાણીમાં પગ બોળી રહ્યા હોય તેવો વિડિયો સામે આવ્યો છે. તંત્ર દ્વારા દરિયાની નજીક ન જવાની સૂચના આપવામાં આવી હોવા છતા લોકો મુર્ખતા કરી રહ્યા છે.
ગુજરાતમાં આ તારીખથી ચોમાસાનું આગમન
કેરળમાં ચોમાસાનું આગમન થઇ ચૂક્યું છે. જ્યારે ગુજરાતમાં 20થી 25 જૂનની વચ્ચે વિધિવત રીતે ચોમાસાની શરૂઆત થઇ શકે છે. કેરળમાં ચોમાસાનું આગમન થઇ ચૂક્યું છે. કેરળના 75 ટકા વિસ્તારમાં ચોમાસાની દસ્તક થઇ ગઇ છે. ત્યારે હવામાન વિભાગે રાજ્યમા ચોમાસાની વિધિવત એન્ટ્રીને લઇને અગત્યની માહિતી આપી છે. આગામી 20થી 25 જૂનની વચ્ચે ગુજરાતમાં વિધિવત ચોમાસાનું આગમન થઇ શકે છે. મહારાષ્ટ્ર બાદ એક સપ્તાહ બાદ ગુજરાતમાં ચોમાસાની વિધિવત એન્ટ્રીનો અનુમાન હવામાન વિભાગે વ્યક્ત કર્યો છે.
હવામાન વિભાગના અનુમાન મુજબ આગામી પાંચ દિવસ ફરી ગુજરાતમાં પ્રિમોન્સૂસ એક્ટિવિટીના ભાગરૂપ વરસાદ પડી શકે છે. આગામી પાંચ દિવસ દક્ષિણ ગુજરાતમાં વરસાદ થઇ શકે છે. પાંચ દિવસ દક્ષિણ ગુજરાત અને સૌરાષ્ટ્રમાં વરસાદની આગાહી કરવાં આવી છે. નવસારી, ડાંગ, વલસાડમાં પણ વરસાદી માહોલ રહેશે. જો કે અમદાવાદમાં વરસાદની કોઈ શક્યતા નથી પરંતુ અમદાવાદમાં થંડર સ્ટ્રોમની અસર રહેશે. સૌરાષ્ટ્ર અને દક્ષિણ ગુજરાત સિવાયના વિસ્તારમાં તાપમાનમાં કોઇ ખાસ ફેરફાર જોવા મળશે નહીં. જો કે વાવાઝોડાની અસરના કારણે ભેજના કારણે ગરમીમાં વધારો થશે.
કેરળમાં ચોમાસું બેસી ગયું
આખરે ચોમાસાની રાહ આખરે પૂરી થઈ. કેરળમાં ચોમાસું પ્રવેશી ચૂક્યું છે. ભારતીય હવામાન વિભાગ દ્વારા સત્તાવાર જાહેરાત કરવામાં આવી છે. ચોમાસાના આગમનથી ખુશીનો માહોલ સર્જાયો છે અને ખેડૂતો પણ સંતુષ્ટ છે. કેરળમાં આજે મૃગ નક્ષત્રના સમયે ચોમાસું પ્રવેશ્યું છે.
એક સપ્તાહના વિલંબ બાદ આજે કેરળમાં ચોમાસું આવી ગયું છે. દેશમાં ચોમાસાનું આગમન થઈ ગયું છે. કેરળમાં આજે ચોમાસું બેસી ગયું છે તેવી માહિતી હવામાન વિભાગે આપી છે. આ વર્ષે ચોમાસું કેરળમાં લગભગ એક સપ્તાહ મોડું પ્રવેશ્યું છે. જેના કારણે દેશના અનેક ભાગોમાં ઓછા વરસાદની શક્યતા સેવાઈ રહી છે. હવામાન વિભાગે શનિવારે કેરળમાં ચોમાસાના આગમનની સત્તાવાર જાહેરાત કરી હતી. કેરળના ઘણા ભાગોમાં સારો વરસાદ થયો છે. ચોમાસાના આગમનથી ગરમીથી ત્રસ્ત નાગરિકોને રાહત મળી છે. વિદર્ભના કેટલાક જિલ્લાઓમાં આગામી ત્રણથી ચાર દિવસ સુધી ભારે પવન સાથે યલો એલર્ટ આપવામાં આવ્યું છે.