ABP News C-Voter Survey On Congress: હિમાચલ પ્રદેશમાં ચૂંટણીની તારીખો જાહેર કરવામાં આવી છે. રાજ્યમાં 12 નવેમ્બરે મતદાન થશે. ગુજરાતમાં પણ ગમે ત્યારે ચૂંટણીની તારીખો જાહેર થઈ શકે છે. આ પહેલા મોટા નેતાઓ યુદ્ધના ધોરણે ચૂંટણી પ્રચારમાં વ્યસ્ત છે. ચૂંટણી પહેલા કોંગ્રેસને મલ્લિકાર્જુન ખડગેના રૂપમાં નવા અધ્યક્ષ પણ મળ્યા છે. ચૂંટણીના આ માહોલ વચ્ચે સી વોટરે abp સમાચાર માટે સાપ્તાહિક ચૂંટણી સર્વે હાથ ધર્યો છે. સર્વેમાં હિમાચલ પ્રદેશના 1,397 અને ગુજરાતમાંથી 1,216 લોકોનો અભિપ્રાય લેવામાં આવ્યો છે. સર્વેમાં ભૂલનું માર્જીન પ્લસ માઈનસ 3 થી પ્લસ માઈનસ 5 ટકા છે.
સર્વેમાં પૂછવામાં આવ્યું છે કે ગુજરાતની ચૂંટણીમાં કોંગ્રેસની રણનીતિ કેવી છે ? આ સવાલના લોકોએ ચોંકાવનારા જવાબો આપ્યા. સર્વેમાં 36 ટકા લોકોએ કહ્યું કે કોંગ્રેસ લડાઈમાં છે. તે જ સમયે, 46 ટકા લોકો માને છે કે કોંગ્રેસ લડાઈમાંથી બહાર છે. જ્યારે 18 ટકા લોકો કહે છે કે કોંગ્રેસ ચૂપચાપ અંદરખાને તૈયારી કરી રહી છે.
ગુજરાતની ચૂંટણીમાં કોંગ્રેસની રણનીતિ કેવી છે ?
કોંગ્રેસ લડાઈમાં છે - 36%
કોંગ્રેસ લડાઈમાંથી બહાર છે- 46%
કોંગ્રેસ શાંતિથી તૈયારી કરી રહી છે - 18%
ગુજરાતમાં ભાજપને સત્તા પરથી હટાવવા કોંગ્રેસ એડીચોટીનું જોર લગાવી રહી છે. કોંગ્રેસ પ્રમુખની ચૂંટણી બાદ હવે ગુજરાતમાં કોંગ્રેસના નેતાઓ વધુ સક્રિય જોવા મળી રહ્યા છે. ગુજરાતની ચૂંટણી પાર્ટીના નવા અધ્યક્ષ મલ્લિકાર્જુન ખડગે સામે એક મોટા પડકાર સમાન છે. જ્યાં ભાજપ ઘણા વર્ષોથી સત્તામાં છે ત્યાં આ વખતે આમ આદમી પાર્ટી પણ મેદાનમાં છે. અરવિંદ કેજરીવાલે ગુજરાતના અનેક પ્રવાસો કર્યા છે. જો કે અત્યાર સુધી ગુજરાતમાં કોંગ્રેસના કોઈ મોટા નેતાએ કોઈ જાહેર સભા કે રેલી કરી નથી.
નોંધ- એબીપી ન્યૂઝ માટે આ ઓપિનિયન પોલ સી-વોટર દ્વારા કરવામાં આવ્યો છે. આ સર્વેમાં ભૂલનું માર્જિન પ્લસ માઈનસ 3 થી પ્લસ માઈનસ 5 ટકા છે. સર્વેના પરિણામો સંપૂર્ણપણે લોકો સાથે કરવામાં આવેલી વાતચીત અને તેમના દ્વારા વ્યક્ત કરાયેલા અભિપ્રાયો પર આધારિત છે. આ માટે એબીપી સમાચાર જવાબદાર નથી.