કરસનભાઇ ભીખાભાઇ સાગઠીયા અને ભૂટાભાઇ અર્જુનભાઇ વાળા બંને એક જ વાડીએ રહી ખેતમજૂરીનું કામ કરતા હતા. ગત રાત્રે બંનેનો દીપડાએ શિકાર કર્યો હોવાનું અનુમાન છે. કરસનભાઇ અને ભૂટાભાઇ બંને સાળા-બનેવી થતા હતા. અકાળે બનેલી ઘટનાના કારણે બંને પરિવારો પર આભ તૂટી પડ્યું હતું. દીપડાઓના માનવીઓ પર હુમલાઓને લઇને લોકોમાં રોષ ભભૂકી ઉઠ્યો છે.
બીજી તરફ ધારી ગીર પૂર્વના સાવરકુંડલા રેન્જના મોટા સોસરીયા બીટમાં એક જ દિવસમાં બીજી વખત દીપડાએ હુમલો કર્યો હોવાની ઘટના બની હતી. મુકેશભાઈ કાળુભાઇ દેવરા (ઉ.વ23) નામનો યુવાન ખેતરમાં ખેતી કામ કરતો હતો ત્યારે તેના પર દીપડાએ હુમલો કર્યો હતો. ઇજાગ્રસ્ત યુવાનને સારવાર અર્થ વંડા સરકારી હોસ્પિટલમાં ખસેડવામાં આવ્યો હતો. ગઈકાલે અમરેલીના ચાંપાથળમાં 5 વર્ષના બાળકને દીપડાએ ફાડી ખાધો હતો. દીપડાઓના માનવીઓ પર હુમલાઓ અને વનવિભાગની ઢીલીનીતિ સામે રોષ ભભૂકી ઉઠ્યો છે.
UP સહિત 17 રાજ્યોની પેટા ચૂંટણી માટે ભાજપે 32 ઉમેદવારોની યાદી કરી જાહેર, જુઓ સંપૂર્ણ લિસ્ટ