અમરેલીઃ ખાંભાના નાનુડી નજીકના લાપાળા ડુંગર નજીક બંધ ટ્રક પાછળ કાર ઘૂસી જતાં અકસ્માત સર્જાયો હતો. સિમેન્ટ ભરેલી ટ્રક પાછળ પૂરપાટ જતી અલ્ટો કાર ઘૂસી જતાં એક વ્યક્તિનું ઘટનાસ્થળે જ મોત થયું છે. જ્યારે પરિવારના 4 સભ્યોને અકસ્માત થતાં તેમને સારવાર માટે ખસેડવામાં આવ્યા છે.


આ અંગેની વિગતો એવી છે કે, કાઠી ક્ષત્રિય સમાજના એક જ પરિવારના 5 સબ્યો ચોટીલા દર્શે જઈ રહ્યા હતા. દરમિયાન ખાંભાના નાનુડી પાસે રોડ પર પડેલી સિમેન્ટ ભરેલી ટ્રક પાછળ કાર ઘૂસી ગઈ હતી. જેમાં કાર ચલાવી રહેલી વ્યક્તિનું ઘટનાસ્થળે જ મોત નીપજ્યું હતું. જ્યારે અન્ય ચાર ગંભીર ઇજા થતા સાવરકુંડલા-ખાંભાની હોસ્પિટલમાં 108ની મદદથી સારવારમા ખસેડાયા છે. કારમા સવાર તમામ લોકો મોટા બારમણ ગામના રહેવાસી છે.