Gujarat: ગુજરાતમાં આદિવાસી સમાજને પ્રોત્સાહિત કરવા માટે સરકારે મોટી પહેલ કરી છે, આજે 9મી ઓગસ્ટે વિશ્વ આદિવાસી દિવસ છે. આ વિશ્વ આદિવાસી દિવસ દિવસ નિમિત્તે આજે ગુજરાતના તાપી જિલ્લામાં ઉજવણી કરવામાં આવશે, આ પ્રસંગે અહીં રાજ્યના મુખ્યમંત્રી ભૂપેન્દ્ર પટેલ પણ ઉપસ્થિત રહેશે.
આજે તાપી જિલ્લામાં વિશ્વ આદિવાસી દિવસની ઉજવણી કરવામાં આવશે, આજે જિલ્લાના સોનગઢમાં મુખ્યમંત્રી ભુપેન્દ્ર પટેલના હસ્તે રાજ્યકક્ષાની આ ઉજવણી કરવામાં આવશે. અહીંથી 73 કરોડના લોકાર્પણનું કામ, 75 કરોડના કામોનું ખાત મુર્હર્ત સહિતના કામોને ખુલ્લા મુકાશે. આજે સોનગઢના ગુણસદાની પ્રાથમિક શાળા ખાતેથી મેરી માટી 'મેરા દેશ' કાર્યકમનો રાજ્યવ્યાપી શુભરંભ કરાવવામાં આવશે. સવારે 10 કલાકે મુખ્યમંત્રી ભૂપેન્દ્ર પટેલ તાપી જિલ્લાના સોનગઢ તાલુકાના ગુણસદા ગામે પહોંચશે, અને અહીંથી કાર્યક્રમને લઈ અલગ અલગ સાંસ્કૃતિક કાર્યક્રમમની શરૂઆત કરાવશે.
વિશ્વ આદિવાસી દિવસની ઉજવણી પ્રસંગે તાપીમાં મુખ્યમંત્રી ખુદ હાજર રહેશે અને આ પ્રસંગમાં ભાગ લેશે. આ ઉપરાંત ત્યાં કેબિનેટ મંત્રી કુબેર ડિંડોર અને રાજ્યકક્ષાના મંત્રી કુંવરજી હળપતિ હજાર રહેશે. વિશ્વ આદિવાસી દિવસની ઉજવણી ગુજરાતમાં કરવામાં આવશે તેથી રાજ્ય મંત્રીમંડળના સભ્યોને પણ વિવિધ તાલુકા કક્ષાની ઉજવણીમાં હાજર રહેશે, સાથે સાથે વિધાનસભાના મુખ્ય દંડક અને દંડક પણ વિવિધ તાલુકાઓની ઉજવણીમાં ભાગ લેશે.
આદિવાસી યુવતી પર મુસ્લિમ યુવકે નજર બગાડી, દુષ્કર્મનો પ્રયાસ કર્યો ને પછી...
બનાસકાંઠા જિલ્લામાં એક યુવતીની છેડતી અને ધમકી આપવાને લઇને પોલીસ ફરિયાદ નોંધાઇ છે, આ ફરિયાદ બાદ પોલીસે મુસ્લિમ યુવકની શોળખોળ શરૂ કરી દીધી છે. મળતી માહિતી પ્રમાણે, બનાસકાંઠા જિલ્લાના અમીરગઢના ગાંજી ગામે એક આદિવાસી યુવતી મજૂરી માટે આવી હતી, અહીં તેને એક મુસ્લિમ યુવક દ્વારા છેડતી કરવામાં આવી હતી, એટલું જ નહીં તેની સાથે મુસ્લિમ યુવકે છેડતી કરીને મારી ધમકી પણ કરી હતી. જોકે, આ બનાવ બાદ યુવતીએ અમીરગઢ પોલીસ મથકે આરોપી મુસ્તુફા કાલુખાન વિરુદ્ધ છેડતી અને એટ્રૉસિટીની ફરિયાદ નોંધાવી હતી. આ ઘટનાનો આરોપી મુસ્તુફા મૂળ ભાવનગરનો વતની છે અને વિરમપુર વિસ્તારમાં રહીને સામાજિક સંસ્થા ચલાવતો અને સામાજિક કાર્યો કરતો હતો. હાલમાં અમીરગઢ પોલીસે આ ઘટના અંગે ગુનો દાખલ કરીને તપાસ હાથ ધરી છે.
યુવતી સાથે બંધાયો પ્રેમ સંબંધ, સગાઇ ના થતાં યુવકે જે કર્યું તે સાંભળી ચોંકી જશો
ભાવનગરમાં એક યુવકે ઝેરી દવા પીને આત્મહત્યા કરી લીધી હતી. મળતી જાણકારી અનુસાર, ભાવનગર જિલ્લાના અધેલાઈ ખાતે એક યુવકે પ્રેમ સંબંધમાં યુવતી સાથે સગાઇ ના થતા આત્મહત્યા કરી લીધી હતી. રોશન તલાવીયા નામના યુવકે યુવતીના ઘર સામે જ કરી ઝેરી દવા પીને આપઘાત કરી લીધો હતો. યુવકે આત્મહત્યા કરતા પહેલા વીડિયો બનાવ્યો હતો જેમાં તેણે બે-ત્રણ વ્યક્તિઓ પર ગંભીર આરોપ લગાવ્યા હતા. મળતી માહિતી અનુસાર, ભાવનગર જિલ્લાના અધેલાઈ ખાતે રહેતા રોશનભાઈ દિનેશભાઈ તલાવીયાને એક યુવતી સાથે પ્રેમ સંબંધ હતો. અગાઉ તે યુવતી ભાગીને રોશનના ઘરે રહેવા જતી રહી હતી પરંતુ તે સમયે યુવતીના પિતાએ બંન્નેની સગાઇ કરી આપવામાં આવશે તેમ કહીને યુવતીને ઘરે પરત લઇ ગયા હતા. જોકે ત્યારબાદ યુવતીના પિતાએ સગાઇ કરવાની ના પાડતા રોશને યુવતીના ઘર સામે આવીને ઝેરી દવા પી લીધી હતી. આત્મહત્યા કરતા પહેલા રોશને એક વીડિયો બનાવ્યો હતો જેમાં તેના મોત પાછળ બેથી ત્રણ લોકોને જવાબદાર ગણાવી રહ્યો છે. રોશનને સારવાર માટે સર ટી હોસ્પિટલ ખાતે લઈ જવામાં આવ્યો હતો પરંતુ સારવાર દરમિયાન તેનું મોત થયું હતું.