સોમવાર રાતે 12 વાગ્યાથી સમગ્ર રાજ્યમાં લોકડાઉન જાહેર કરવામાં આવે છે. આ આદેશનું રાત્રે 12 વાગ્યાથી 31 માર્ચ સુધી ચુસ્ત અમલીકરણ કરવામાં આવશે. આ માટેનું વિગતવારનું અધિકૃત જાહેરનામું ગૃહ વિભાગ તરફથી બહાર પાડવામાં આવેલ છે.
આવા લોકડાઉનમાં રાજ્યની અન્ય રાજ્યો સાથેની તમામ આંતરરાજ્ય બોર્ડરો સીલ કરવામાં આવનાર છે. આગળ જણાવ્યા પ્રમાણેની આવશ્યક બાબતો સિવાયની તમામ અવર જવર બંધ કરવામાં આવશે . તમામ પ્રકારના માલવાહક વાહનો Transport / Goods Vehicle (કાર્ગો સહિત ) રાબેતા મુજબ ચાલુ રહેશે જેથી તમામ જીવન જરૂરીયાતની વસ્તુઓની અછત ન પડે. જે સેવાઓ-વ્યક્તિઓને આ લોકડાઉન લાગુ નહીં પડે તે નીચે પ્રમાણે છે. જે મેડીકલ સ્ટોર છે કરિયાણાની દુકાનો , દુધ - શાકભાજી જેવી જીવન જરૂરિયાતની ચીજ વસ્તુઓ જ જરૂરી સરકારી સેવાઓ વિગેરે જેવી આવશ્યક સેવાઓ ચાલુ નિયમિત રીતે ચાલુ રહેશે .
આ સેવાઓના કેન્દ્રો અથવા દુકાનોને કોઇ અસર નહીં થાય અને આ સેવાઓ માટે Transportની વ્યવસ્થા પણ ચાલુ રહેશે. ટેક્ષી, કેબ, રીક્ષા, લકઝરી બસ, પબ્લિક ટ્રાન્સપોટેશન બંધ રહેશે.
ખાનગી વાહનો ટુ વ્હીલર્સ-ફોર વ્હીલર્સની અવરજવર ઓછી કરવાના હેતુથી ટુ વ્હીલર્સ અને ફોર વ્હીલર્સમાં માત્ર બે વ્યકિત જ મુસાફરી કરી શકશે.
આ નિર્ણય જનતાના હીતમાં લેવામાં આવે્યો છે. જેથી આ નિર્ણયનો અમલ કરાવવા માટે પોલીસને તમામ પ્રકારે સહયોગ આપવા આપના માધ્યમથી અપીલ કરવામાં આવે છે . સ્થાનિક કક્ષાએથી દરેક પોલીસ સ્ટેશન દ્વારા પણ આ લોકડાઉનનો અમલ કરાવવા માટે પણ પગલાં લેવામાં આવશે જેને પણસહયોગ આપવો. જે લોકો દ્વારા આ આદેશનો ભંગ કરવામાં આવશે અથવા પોલીસને સહયોગ કરવામાં નહીં આવે તેની સામે ગુનો દાખલ કરવા સહિતના કાયદેસરના પગલાં લેવામાં આવશે.
લોકડાઉનના અસરકારક અમલીકરણ કરવા માટે અલગથી જે ફોર્સ ફાળવવામાં આવેલ છે , તે નીચે પ્રમાણે છે.
રાજ્ય ભરમાં SRPFની કુલ ૬ કંપનીઓ ફાળવવામાં આવેલ છે. ઉપરાંત RAFની 4 કંપની ફાળવવા પણ આયોજન કરવામાં આવેલ છે. લોકડાઉનાQuarantine સંદર્ભે હાલ સુધી લેવાયેલ કાયદેસરના પગલાંની વિગત - ક . 188 ના જાહેરનામાના ભંગ બદલ ગુના - 62 દાખલ કરવામાં આવેલ છે.
કવોરેન્ટિન કરેલ વ્યકિતઓ ધ્વારા કાયદાના ભંગ બદલ ગુના - 18 દાખલ કરવામાં આવેલ છે . ( IPC - 269 , 270 , 271 )