કામ વગર ઘરની બહાર નીકળ્યાં તો ખેર નહીં? ગુજરાતના પોલીસ વડા શિવાનંદ ઝાએ બીજી શું કરી અપીલ? જાણો
એબીપી અસ્મિતા વેબ ટીમ | 29 Mar 2020 08:51 AM (IST)
ગુજરાત પોલીસ વડા શિવાનંદ ઝાએ પ્રેસ કોન્ફરન્સમાં જણાવ્યું હતું કે, હોમ ક્વોરન્ટાઈનમાં રહેતા લોકોની પોલીસ દ્વારા તપાસ કરવામાં આવી રહી છે.
અમદાવાદ: કોરોના વાયરસને ફેલાતો અટકાવવા માટે ગુજરાત સહિત સમગ્ર દેશમાં 15 એપ્રિલ સુધી 21 દિવસનું લોકડાઉન જાહેર કરવામાં આવ્યું છે. સરકાર લોકડાઉનનો કડકાઈથી અમલ કરાવી રહી છે અને લોકો પણ પ્રધાનમંત્રી નરેન્દ્ર મોદીની અપીલને માન આપી રહ્યા છે. જોકે ગુજરાત પોલીસ વડા શિવાનંદ ઝાએ પ્રેસ કોન્ફરન્સમાં જણાવ્યું હતું કે, હોમ ક્વોરન્ટાઈનમાં રહેતા લોકોની પોલીસ દ્વારા તપાસ કરવામાં આવી રહી છે. કામ વગર રખડતા લોકો પર પોલીસ ડ્રોન અને સીસીટીવીથી નજર રાખી રહી છે. અનેક જગ્યાએ ગુનાઓ દાખલ કરવામાં આવ્યા છે. શહેરની સોસાયટીના કોમન પ્લોટમાં ભેગા થતાં લોકો પર પણ ડ્રોનથી નજર રાખવામાં આવી રહી છે.