ભુજની જનરલ હોસ્પિટલમાં ભાગેલ કોરોના પોઝિટિવ દર્દીનો વીડિયો પણ સામે આવ્યો હતો. હોસ્પિટલના ગેટ સામેથી જ બસમાં બેસતા CCTVમાં કેદ થયો હતો. ભુજ વડનગર એસ.ટી બસમાં બેસતો વીડિયો સામે આવ્યો છે. આ બસમાં મુસાફરી કરનાર લોકોને પોલીસ વિભાગ તરફથી સેલ્ફ કોરેન્ટાઇન અપીલ પણ કરવામાં આવી છે.
જોકે, ગઈ કાલે ભાગી ગયેલો આ દર્દી અંજારના રેલ્વે સ્ટેશન પાસેથી આજે મળી આવ્યો છે. આરોગ્ય વિભાગ દ્વારા તેને ફરીથી હોસ્પિટલ ખસેડાયો છે. દર્દી ભાગી જતાં તંત્ર દ્વારા વ્યાપક શોધખોળ આદરી હતી. દર્દીની વિરુદ્ધ પોલીસ સ્ટેશનમાં ગુનો પણ નોંધાયો છે.