Cyclone Biparjoy 2023: રાજ્યમાં વાવાઝોડાના કહેર વચ્ચે આગામી એક કલાકમાં વરસાદની આગાહી કરવામાં આવી છે. કચ્છ, દ્વારકા, પોરબંદરમાં ભારે ગાજવીજ સાથે વરસાદની આગાહી કરવામાં આવી છે. આ દરમિયાન પવનની ગતી 80-100 km/h ની રહેવાની આગાહી કરવામાં આવી છે. તો બીજી તરફ જૂનાગઢ, રાજકોટ, જામનગરમાં ગાજવીજ સાથે છૂટા છવાયા વરસાદની આગાહી કરવામાં આવી છે. આ વિસ્તારોમાં પવનની ગતી 55-75 km/h ની રહેશે. તમને જણાવી દઈએ કે, 10 km ની ઝડપે વાવાઝોડું આગળ વધી રહ્યું છે.
દરિયાકાંઠા બાદ મેદાની વિસ્તારોમાં કેવું તાંડવ મચાવશે બિપરજોય?
ભયાનક બનેલુ બિપરજોય ચક્રવાત ગુજરાતના દરિયાકાંઠાના વિસ્તારોમાં ટકરાઈ ગયું છે. ગુરુવારે રાત્રે 8 વાગ્યે તે ગુજરાતના કચ્છના જખાઉ બંદર પર લેન્ડફોલ કરે તેવી શક્યતા છે. હવે તે જખાઉ બંદરથી થોડે જ દૂર છે. તેના લેન્ડફોલ પછી ગુજરાત અને મુંબઈમાં ભારે વરસાદની શક્યતા છે. આજે રાત્રે તે ગુજરાતના સૌરાષ્ટ્ર અને કચ્છમાંથી પસાર થયા બાદ નબળું પડશે.
આ વાવાઝોડાની અસર રાજસ્થાનમાં પણ જોવા મળશે. IMD અનુસાર, બિપરજોય વાવાઝોડાની અસર ગુજરાત ઉપરાંત અન્ય 10 રાજ્યોમાં જોવા મળશે. આવો અમે તમને જણાવીએ કે ગરમી અને ગરમીના મોજાનો સામનો કરી રહેલા મેદાની વિસ્તારોમાં બિપરજોયની શું અસર થશે.
બિપરજોયથી કયા રાજ્યો પ્રભાવિત?
ગુજરાત ઉપરાંત રાજસ્થાન, મહારાષ્ટ્ર, કર્ણાટક, લક્ષદ્વીપ, કેરળ જેવા રાજ્યોમાં પણ બિપરજોયની અસર જોવા મળશે.તોફાનને કારણે અનેક વિસ્તારોમાં ભારે પવન સાથે વરસાદ પડી રહ્યો છે. ઉત્તર પૂર્વમાં આસામ, અરુણાચલ પ્રદેશ અને મેઘાલયમાં પણ બિપરજોય વાવાઝોડાને કારણે વરસાદ થઈ રહ્યો છે. બિપરજોયની અસર ચોમાસા પર પડી હતી. IMD અનુસાર, 18 થી 21 જૂન દરમિયાન ભારતના દક્ષિણ દ્વીપકલ્પના ભાગો અને પૂર્વ ભારતમાં ચોમાસું આગળ વધવા માટે સ્થિતિ અનુકૂળ રહેવાની શક્યતા છે.
રાજસ્થાનના બાડમેર અને જાલોરમાં પણ બિપરજોયની અસર જોવા મળી રહી છે. અહીં ગાજવીજ સાથે વરસાદ શરૂ થયો છે. હવામાન વિભાગે રાજ્યમાં 16 અને 17 જૂને ભારે વરસાદનું એલર્ટ જાહેર કર્યું છે. રાજસ્થાનમાં બિપરજોયની સૌથી વધુ અસર જાલોર, બાડમેર, પાલી, જોધપુર અને નાગૌર જિલ્લામાં જોવા મળશે.
બિપરજોયની અસર હરિયાણાના દક્ષિણ વિસ્તારમાં પણ જોવા મળશે. મહેન્દ્રગઢ, રેવાડી, ગુરુગ્રામ, મેવાત, પલવલ, ફરીદાબાદમાં વરસાદની સંભાવના છે. આજથી 19 જૂન સુધી અહીં બિપરજોયની અસર રહેશે. પંજાબમાં પણ બાયપરજોય અને વેસ્ટર્ન ડિસ્ટર્બન્સના કારણે 18 જૂન સુધી વરસાદની અસર છે. પંજાબના માલવા વિસ્તારને છોડીને સમગ્ર પંજાબમાં વરસાદ થવાની સંભાવના છે.