પેથોલોજીસ્ટ અસોસિએશનનું કહેવું છે કે કોરોનાના ટેસ્ટ બે રીતે થાય છે. એક RT-PCR અને બીજો TrueNAT ટેસ્ટ. TrueNAT ટેસ્ટ માટે કેમિકલ કીટ 2200 રૂપિયાની આવતી હોય છે. ત્યારે આ પ્રકારનો ટેસ્ટ માત્ર 1500 રૂપિયામાં કરવાનું પોસાય તેમ નથી. આ ટેસ્ટનો ફાયદો એ છે કે માત્ર એક કલાકમાં જ રિપોર્ટ મળી જતો હોય છે. જેથી કરીને ઈમરંજસી ઓપરેશન પહેલા તબીબો દર્દીઓને જ્યારે કોરોના રિપોર્ટ કરવાનું કહે છે. ત્યારે આ પ્રકારનો રિપોર્ટ ઝડપથી મળી જતો હોવાથી આ જ ટેસ્ટ સૂચવે છે.
અત્યારે આ પ્રકારનો રિપોર્ટ ઝડપથી થઈ જતો હોય છે અને દર્દીઓને સારવાર પણ ઝડપથી મળી જતી હોય છે. જો કે સરકાર ભાવ વધારવાની છૂટ નહીં આપે તો આગામી દિવસોમાં આ પ્રકારના ટેસ્ટ બંધ થઈ જશે. અત્યારે એક લેબોરેટરીમાં દરરોજ ૮૦ જેટલા આ પ્રકારના ટેસ્ટ થાય છે.