Dwarka Dayro News: ફરી એકવાર ગુજરાતમાં ડાયરામાં રૂપિયાનો વરસાદ થયો છે, હાલમાં જ સમાચાર સામે આવ્યા છે કે, દ્વારકાના ખંભાળિયામાં ફરી એકવાર કલાકાર વિજય ગઢવીના ડાયરામાં ચલણી નોટોનો વરસાદ થયો છે. ગુજરાતની સંસ્કૃતિમાં ડાયરાનું આગવુ મહત્વ છે, ખાસ કરીને સૌરાષ્ટ્ર અને કચ્છ વિસ્તારોમાં અલગ અલગ પ્રસંગે ડાયરો જામતો હોય છે, આ વખતે દ્વારકામાં આઇ સોનલ માતાજીના શતાબ્દી મહોત્સવ ડાયરાની રંગત જામી છે, અહીં મોટી સંખ્યામાં ડાયરાપ્રેમી અને સંગીત પ્રેમી જનતાના જમાવડો થયો છે. હાલમાં આનો વીડિયો પણ ખુબ જ વાયરલ થઇ રહ્યો છે.
મળતી માહિતી પ્રમાણે, દેવભૂમિ દ્વારકામાં છેલ્લા થોડાક દિવસોથી ડાયરાની મહેફિલ જામી છે. જેમાં દરરોજ નવા નવા કલાકારો રંગત જમાવી રહ્યાં છે. ગઇકાલે ખંભાળિયાના સોનલધામ ખાતે ભવ્ય લોકડાયરા યોજાયો હતો, જેમાં ચલણી નોટોનો વરસાદ થયો હતો.
આઈ સોનલ માં ના સતાબ્દી મહોત્સવ અંતર્ગત યોજાયેલા ભવ્ય લોક ડાયરામાં નોટોનો વરસાદ થયો હતો. દ્વારકાના ખંભાળિયામાં ચાલી રહેલા આઇ સોનલ માતાજીના શતાબ્દી મહોત્સવમાં ગઇકાલે કલાકાર વિજય ગઢવી સહિતના કલાકારોએ રંગત જમાવી હતી, જેમના લોક ડાયરામાં રૂપિયાનો ફરી એકવાર રૂપિયાના ઢગલા થયા હતા. મોટી સંખ્યામાં સંગીતપ્રેમી લોકોએ ચલણી તેમની ઉપર નોટોનો વરસાદ કરી દીધો હતો. આ લોક ડાયરામાં વિજય ગઢવી સહિતના કેટલાક કલાકારો સામેલ થયા હતા.
આ પહેલા પણ કીર્તિદાન-ભીખુદાન ઉપર લાખો રૂપિયા ઉડ્યા હતા, દ્વારકાના ડાયરામાં રૂપિયાનો વરસાદનો વીડિયો વાયરલ થયો હતો
મળતી માહિતી પ્રમાણે, ગુજરાતમાં ફરી એકવાર દેવભૂમિ દ્વારકામાં ડાયરાની રમઝટ જામી છે, ડાયરાની રમઝટમાં ફરી એકવાર રૂપિયાનો વરસાદ જોવા મળ્યો છે, ખરેખરમાં, હાલમાં જ દ્વારકા ખાતે એક મોટા લોક-ડાયરાનું આયોજન થયુ હતુ, જેમાં ચલણી નોટોનો વરસાદ થયો હતો. અહીં આઈ સોનલ માં ના શતાબ્દી મહોત્સવ અંતર્ગત આ ભવ્ય લોક-ડાયરાનું આયોજન થયુ હતુ જેમાં રૂપિયાનો વરસાદ થયો હતો. આ લોક-ડાયરામાં કીર્તિદાન ગઢવી, ભીખુદાન ગઢવી જેવા કેટલાક કલાકારોએ રંગત જમાવી હતી. આ લોકડાયરામાં કીર્તિદાન ગઢવી તેમજ અન્ય ગાયક કલાકારો પર નોટોના વરસાદ થયો હતો, જેનો વીડિયો હાલમાં ખુબ જ વાયરલ થઇ રહ્યો છે. આ પ્રસંગે ધારાસભ્ય પબુભા માણેક સહિત બીજા અનેક લોકોએ ચલણી નોટોનો વરસાદ કર્યો હતો.