ગાંધીનગરઃ ગુજરાતમાં આજે છેલ્લા 24 કલાકમાં કોરોના વાયરસના નવા 617 કેસ નોંધાયા છે. આ સાથે રાજ્યમાં કોરોનાના કુલ એક્ટિવ કેસનો આંકડો 6736 પર પહોંચી ગયો છે. રાજ્યમાં 53 લોકો વેન્ટીલેટર પર છે. 6683 લોકો સ્ટેબલ છે. અત્યાર સુધીમાં રાજ્યમાં 12,02089 લોકોએ કોરોનાને મ્હાત આપી છે. રાજ્યમાં અત્યાર સુધીમાં કોરોના સંક્રમણથી 10874 લોકોના મોત થયા છે. રાજ્યમાં આજે સંક્રમણથી 10 લોકોના મોત થયા છે.
અમદાવાદ કોર્પોરેશનમાં 198, વડોદરા કોર્પોરેશનમાં 97, વડોદરા 48, બનાસકાંઠા 46, સુરત કોર્પોરેશન 24, પાટણ 23, રાજકોટ 19, ગાંધીનગર કોર્પોરેશન 16, સુરત 14, ખેડા 12, દાહોદ 10, ગાંધીનગરમાં 10 અને રાજકોટ કોર્પોરેશનમાં 10 કેસ નોંધાયા છે.
બીજી તરફ આજે 1885 દર્દીઓ રિકવર પણ થયા છે. તો બીજી તરફ કોરોનાનો રિકવરી રેટ પણ 98.56 ટકાએ પહોંચ્યો છે. આજે 1,78,673 લોકોનું રસીકરણ કરવામાં આવ્યું છે. આજે કોરોનાના કારણે 10 લોકોના મોત થયા છે. અમદાવાદ કોર્પોરેશનમાં 3, વડોદરા કોર્પોરેશનમાં 3, ભરુચ 3, તાપીમાં 1 કોરોના દર્દીનું મોત થયું હતું.
અત્યાર સુધીમાં કુલ 1202089 દર્દીઓ રિકવર થઇ ચુક્યાં છે. જેના પગલે કોરોનાનો રિકવરી રેટ 98.56 ટકાએ પહોંચી ચુક્યો છે. બીજી તરફ રસીકરણના મોરચે પણ સરકાર મજબૂતીથી લડી રહી છે. હેલ્થકેર વર્કર અને ફ્રન્ટલાઇન વર્કર પૈકી 15 ને પ્રથમ અને 90 ને રસીનો બીજો ડોઝ અપાઇ ચુક્યો છે. 45 વર્ષથી વધારેની ઉંમરના 2261 ને પ્રથમ અને 12090 ને બીજો ડોઝ અપાયો હતો. 18-45 વર્ષના નાગરિકો પૈકી 11641 ને પ્રથમ અને 51333 ને બીજો ડોઝ અપાયો હતો. 15-18 વર્ષના નાગરિકો પૈકી 10382 ને પ્રથમ અને 67780 ને બીજો ડોઝ અપાયો હતો. 23081 ને પ્રીકોશન ડોઝ અપાઇ ચુક્યાં છે. આ પ્રકારે આજના દિવસમાં કુલ 1,78,673 કુલ રસીના ડોઝ અપાયા હતા. અત્યાર સુધીમાં કુલ 10,19,24,309 કુલ રસીના ડોઝ અપાઇ ચુક્યા છે.