તાપી: સ્થાનિક સ્વરાજ્યની ચૂંટણીમાં ભાજપનો ભગલો લહેરાયો છે. તાપી જિલ્લા પંચાયત પર પ્રથમ વાર ભાજપે કબ્જો કર્યો છે. તાપી જિલ્લા પંચાયતની 26 બેઠકો માંથી 17 પર ભાજપે જીત મેળવી છે. જ્યારે કોંગ્રેસના ફાળે 9 બેઠક ગઈ હતી. જિલ્લા માં કોંગ્રેસ ના ગઢમાં ગાબડું પાડવા માં ભાજપ સફળ રહી છે. વ્યારા નગર પાલિકા પર પણ ભાજપે સત્તા હાંસલ કરી લીધી છે.

તાલુકા પંચાયતની ચૂંટણીમાં 7 તાલુકા પંચાયતમાંથી 5 તાલુકા પંચાયત પર ભાજપની જીત થઈ છે. જ્યારે બે તાલુકા પંચાયત પર કોંગ્રેસનો વિજય છે.
વાલોડ, ડોલવણ, ઉચ્છલ, નિઝર અને કુકરમુંડા તાલુકા પંચાયત ભાજપના ફાળે ગઈ છે જ્યારે વ્યારા અને સોનગઢ તાલુકા પંચાયત કોંગ્રેસ ના ફાળે ગઈ છે.

ગુજરાતની 31 જિલ્લા પંચાયત, 231 તાલુકા પંચાયત તથા 81 નગરપાલિકાની સામાન્ય ચૂંટણી રવિવારે યોજાઇ હતી. તેમાં જિલ્લા પંચાયતોમાં સરેરાશ 66 ટકા જેટલું મતદાન નોંધાયું હતું. 2015ની 31 જિલ્લા પંચાયતમાંથી કોંગ્રેસને 22માં જ્યારે ભાજપને 7માં સત્તા મળી હતી. બે જિલ્લા પંચાયતમાં ટાઈ થઈ હતી. આ વખતે જિલ્લા પંચાયતની ચૂંટણીમાં કૉંગ્રેસના સૂપડા સાફ થયા છે. 29 જિલ્લા પંચાયતમાં કૉંગ્રેસ સિંગલ ડિજિટમાં છે.