Gujarat Rain: દેશભરમાં ચોમાસાની વિધિવત એન્ટ્રી થઇ ગઇ છે, ઉત્તરથી લઇને દક્ષિણ ભારત સુધી મેઘરાજાએ ધમાકેદાર એન્ટ્રી મારી લીધી છે. હાલમાં ગુજરાતમાં પણ ચોમાસુ એક્ટિવ થઇ ગયુ છે. છેલ્લા ચાર દિવસથી ગુજરાતમાં ઠેર ઠેર વરસાદ ખાબકી રહ્યો છે. ગઇ કાલથી શરૂ થયેલો વરસાદ હજુ પણ ચાલુ જ છે. ગુજરાતમાં આજે વલસાડમાં આભ ફાટ્યુ હોય તેવા દ્રશ્યો સર્જાયા છે. બે કલાકમાં ચાર ઇંચ વરસાદ ખાબકતા ઠેર ઠેર કેડસમા પાણી ભરાયા છે.
મળતી માહિતી પ્રમાણે, ગુજરાતમાં સવારથી જ મેઘરાજાએ ધમાકેદાર બેટિંગ શરૂ કરી દીધી છે. લેટેસ્ટ અપડેટ પ્રમાણે, વલસાડમાં મેઘરાજા કોપાયમાન થયા છે. વલસાડના વાપીમાં સૌથી વધુ બે કલાકમાં 4 ઇંચ વરસાદ ખાબક્યો છે. આ ધોધમાર વરસાદથી વલસાડ જળબંબાકાર થયુ છે. વહેલી સવારથી વલસાડમાં ધોધમાર વરસાદ શરૂ થયો છે જેના કારણે શહેરના અલગ-અલગ વિસ્તારોમાં કેડસમા પાણી ભરાયા છે. એમ.જી રોડ,તિથલ રોડ, છિપવાડ ગરનાળા સહિતના કેટલાક વિસ્તારોમાં ક્યાંક દુકાનોમાં પાણી ઘૂસ્યા છે, તો ક્યાંક ઘરોમાં પાણી ભરાયા હોય તેવા દ્રશ્યો સામે આવ્યા છે. સવારથી શરૂ થયેલો વરસાદ હજુ પણ ચાલુ જ છે, સ્થાનિકો વારંવાર પાણી ભરાવવાની સમસ્યાથી પરેશાન પણ દેખાઇ રહ્યાં છે.
છેલ્લા 24 કલાકમાં 44 તાલુકામાં એકથી અઢી ઈંચ વરસાદ નોંધાયો
છેલ્લા 24 કલાકમાં ભાવનગરના મહુવામાં , જામનગરના ધ્રોલમાં, અઢી ઈંચ વરસાદ નોંધાયો છે. છે. વલસાડના ઉમરગામમાં સવા બે ઈંચ વરસાદ નોંધાય છે. ભરૂચના વાગરા, સવા ઇચ તો કામરેજમ બે ઈંચ વરસાદ નોંધાયો છે. છેલ્લા 24 કલાકમાં આણંદ તાલુકામાં બે ઈંચ વરસાદ નોંધાયા છે.માળીયા હાટીનામાં બે ઈંચ, મેંદરડામાં બે ઈંચ, 24 કલાકમાં બોરસદમાં પોણા બે ઈંચ, વડોદરા તાલુકામાં પોણા બે ઈંચ, ટંકારામાં દોઢ ઈંચ, વિસાવદરમાં દોઢ ઈંચ વરસાદ, છેલ્લા 24 કલાકમાં ગોધરામાં દોઢ ઈંચ,જલાલપોરમાં દોઢ ઈંચ, રાજકોટ તાલુકામાં દોઢ ઈંચ વરસાદ વરસ્યો છે.
છેલ્લા 24 કલાકમાં પેટલાદમાં દોઢ ઈંચ વરસાદ, કોટડા સાંગાણીમાં દોઢ ઈંચ, ચોટીલામાં સવા ઈંચ,નડિયાદમાં સવા ઈંચ વરસાદ નોંધાયો છે. છેલ્લા 24 કલાકમાં પલસાણામાં સવા ઈંચ, બોટાદમાં સવા ઈંચ,ગોંડલમાં સવા ઈંચ, વાંકાનેરમાં સવા ઈંચ, બારડોલીમાં સવા ઇંચ વરસાદ વરસ્યો તો , આમોદ, કપરડા, કુતિયાણા,બાબરા લોધિકા એક ઇંચ વરસાદ નોંધાયો છે.માંગરોળ, કેશોદ, માંડવીમાં એક એક ઈંચ વરસાદ નોંધાયો છે ઉપરાંત નવસારી, વિરમગામ, વઢવાણ, ગઢડા, ગણદેવી, ડેસર, લીલીયામાં એક એક ઈંચ વરસાદ નોંધાયો છે. બગસરા, પારડી, વલ્લભીપુરમાં એક એક ઈંચ વરસાદ નોંધાયો છે. સાયલા, વાપી, પાદરામાં આંકલાવ, તાલાલા, માંગરોળમાં પોણો પોણો ઈંચ વરસાદ નોંધાયો છે.
કરજણ, સિંગવડ, અમરેલી, ધોળકા, સુરત શહેર, લીમખેડા,દ્વારકા, ઓલપાડ, ચોર્યાસીમાં અડધો ઈંચ,ચુડા, બેચરાજી, દિયોદર, હાંસોટ, પડધરી, વિંછિયા, દાહોદમાં અડધો ઈંચ વરસાદ નોધાયો છે. માણસા, ઘોઘંબા, કુકાવાવમાં અડધો ઈંચ,સંતરામપુર, સાંતલપુર, નેત્રંગમાં અડધો ઈંચ, માંડલ, ઉપલેટા, રાણપુર, મુળીમાં અડધો ઈંચ, ડભોઈ, ઉમરેઠ, જોડીયા, ધરમપુરમાં અડધો ઈંચ, થરાદ, શહેરા, ખેરગામ, થાનગઢમાં અડધો ઈંચ વરસાદ વરસ્યો છે.