Gujarat Rain Live Updates: અમદાવાદના કેટલાક વિસ્તારમાં ફરી ધોધમાર વરસાદ, રાજ્યમાં ત્રણ કલાક ભારે વરસાદની આગાહી
વલસાડ જિલ્લામાં વરસાદી માહોલ છે જ્યારે ઉમરગામમાં મધરાત બાદ ભારે વરસાદ પડ્યો હતો
અમદાવાદમાં અડધાથી પોણા કલાક જેટલા ધોધમાર વરસાદ બાદ પ્રિમોન્સૂન કામગીરીની પોલ ખૂલી ગઈ છે. જીવરાજ પાર્ક વિસ્તારની ગાયત્રી સોસાયટીમાં ઘૂંટણ સમા પાણી ભરાયા છે. શહેરના ઘણા વિસ્તારોમાં આવી સ્થિતિ છે.
પાટણ જીલ્લામાં પવન અને ગાજવીજ સાથે વરસાદ શરૂ થયો છે. માર્ગો અને બજારમાં વરસાદના પાણી વહેવા લાગ્યા છે. સાંતલપુર, જાખોત્રા, ગામડી સહીત ગ્રામ્ય પંથકમાં મેઘો મહેરબાન થયો છે.
મોરબી શહેરને મેઘરાજાએ ધમરોળ્યું છે. બપોરે 2 થી 4 કલાકના ગાળામાં 82 એમએમ વરસાદ પડ્યો છે. હજુ પણ ધીમી ધારે વરસાદ પડી રહ્યો છે.
નડિયાદમાં છેલ્લા બે કલાકથી ધોધમાર વરસાદ પડી રહ્યો છે. જેના કારણે નીચાણવાળા વિસ્તારો પાણીમાં ગરકાવ થઈ ગયા છે. પાણી ભરાતા નડિયાદ નગરપાલિકાની પ્રિમોન્સૂન કામગીરી પોકળ સાબિત થઈ છે. નડિયાદનો રબારીવાડ વિસ્તાર પાણીમાં ગરકાવ થઈ ગયો છે. આ વિસ્તારમાં બાળકોની, હાડકાની, પ્રસુતાની, તેમજ મલ્ટી સ્પેશિયાલિટી હોસ્પિટલ ઉપરાંત ઇમેજિંગ સેન્ટર પણ આવેલું છે. પાણી ભરાતા દર્દીઓને તેમજ દર્દીઓના સગાને પારાવાર મુશ્કેલીઓનો સામનો કરવો પડી રહ્યો છે.
અમદાવાદમાં વરસાદથી જળબંબાકારની સ્થિતિ સર્જાઈ છે. અનેક જગ્યાએ પાણી ભરાયા છે. જોકે આ દરમિયાન સાબરમતી નદીમાં નવા નીરની આવક થઈ છે.
ધોધમાર વરસાદથી અમદાવાદના કેટલાક વિસ્તારોમાં પાણી ભરાયા હતા. 30 મિનિટના વરસાદથી અમદાવાદમાં 30 સ્થળે પાણી ભરાયા હતા. પાણી ભરાવવાનું શરૂ થતા વાસણા બેરેજના દરવાજા ખોલાયા હતા. હેલ્મેટ સર્કલ, આંબાવાડી, પાલડી, શ્યામલ વિસ્તારમાં પાણી ભરાયા હતા.
અમદાવાદમાં અચાનક જ ધોધમાર વરસાદ વરસ્યો હતો. અમદાવાદના પૂર્વ અને પશ્ચિમ વિસ્તારમાં વરસાદ વરસ્યો હતો. વસ્ત્રાલ, નિકોલ,નરોડા, શાહીબાગ, આશ્રમ રોડ, પાલડીમાં ધોધમાર વરસાદ વરસ્યો હતો. તે સિવાય રાણીપ, વાડજ, ઘાટલોડિયા, શેલા, શિલજ, બોપલ, સાયન્સ સિટી, સરખેજ, અડાલજ, બોપલ, બાપુનગરમાં ધોધમાર વરસાદ વરસ્યો હતો
દમણ અને દાદરા નગર હવેલીમાં ધોધમાર વરસાદ વરસ્યો હતો. 24 કલાકમાં સેલવાસમાં 3 ઇંચ, ખાનવેલમાં 4 ઇંચ તો દમણમાં 4 ઇંચ વરસાદ ખાબક્યો હતો. ભારે વરસાદથી સેલવાસના કેટલાક નીચાણવાળા રસ્તાઓ પર પાણી ભરાયા હતા.
તાપીના કેટલાક વિસ્તારોમાં વરસાદ વરસ્યો હતો. વ્યારા , વાલોડ , ડોલવણ સહિતના તાલુકામાં વરસાદ વરસ્યો હતો. વ્યારાના સ્ટેશન રોડ , કોલેજ રોડ , બજાર વિસ્તાર સહિતના વિસ્તારોમાં વરસાદી માહોલ જોવા મળ્યો હતો.
સૌરાષ્ટ્રની સાથે કચ્છ જિલ્લામાં ધોધમાર વરસાદ પડ્યો હતો. કચ્છના કંડલા,ગાંધીધામ, આદિપુર, અંજાર, માંડવી સહિત આસપાસના ગ્રામ્ય વિસ્તારોમાં વરસાદ વરસ્યો હતો. સારા વરસાદના કારણે ખેડૂતો ખુશખુશાલ થયા હતા.
અમરેલી જિલ્લાના બગસરા અને આસપાસના વિસ્તારમાં ધોધમાર વરસાદથી રસ્તાઓ પાણી પાણી થયા હતા. જૂનાગઢ જિલ્લાના ગિરનાર, ભવનાથ તળેટી, રેલવે સ્ટેશન વિસ્તાર, જોશીપુરા વિસ્તારમાં વરસાદ પડ્યો હતો. દ્વારકા જિલ્લાના મોટી ખોખરી, ભારા બેરાજા, ભાદથર, લલિયા સહિતના ગ્રામ્ય વિસ્તારમાં વરસાદ પડ્યો હતો.
સુરતના ડુમસ રોડ, ઉધના, પાંડેસરા પાલ, અડાજણ સહિતના વિસ્તારમાં વરસાદ વરસ્યો હતો. વલસાડ જિલ્લાના ઉમરગામ તાલુકામાં સૌથી વધારે પોણા છ ઈંચ વરસાદ પડ્યો. તો વાપી, કપરાડા અને પારડીમાં એકથી દોઢ ઈંચ સુધીનો વરસાદ પડ્યો હતો. ધોધમાર વરસાદના કારણે વલસાડ જિલ્લામાં જનજીવન પ્રભાવિત થયુ છે. તો તાપી શહેર અને જિલ્લાના ગ્રામ્ય વિસ્તારમાં પણ ધોધમાર વરસાદ પડ્યો હતો. જિલ્લાના વ્યારા, વાલોડ, ડોલવણ સહિતના તાલુકામાં વરસાદ પડ્યો હતો. વ્ચારાના સ્ટેશન રોડ, કોલેજ રોડ, બજાર વિસ્તાર સહિતના વિસ્તારોમાં વરસાદ વરસ્યો હતો.
વલસાડ જિલ્લાના ઉમરગામના કાંઠા વિસ્તારમાં ધોધમાર વરસાદ પડ્યો હતો. ધોધમાર વરસાદના કારણે ઉમરગામથી વલસાડ સુધીના અલગ અલગ વિસ્તારમાં પાણી ભરાયા હતા. ઉમરગામથી નારગોલ અને ત્યાંથી દમણ જતાં રસ્તાઓ પર પાણી ભરાતા વાહન ચાલકો પરેશાન થયા હતા.
બ્રેકગ્રાઉન્ડ
ગુજરાતમાં સત્તાવાર રીતે ચોમાસાની શરૂઆત થઈ ગઈ છે ત્યારે આજે સવારથી જ સમગ્ર રાજ્યમાં મેઘમહેર જોવા મળી રહી છે. સવારથી અત્યાર સુધીમાં રાજ્યના 45 તાલુકામાં વરસાદ ખાબક્યો છે. અમદાવાદ અને દક્ષિણ ગુજરાત, સૌરાષ્ટ્રમાં વરસાદ પડ્યો છે. કચ્છ જિલ્લામાં પણ વહેલી સવારથી વરસાદ વરસી રહ્યો છે.
સવારથી અત્યાર સુધીમાં માણાવદર તાલુકામાં બે કલાકમાં એક ઈંચ વરસાદ પડ્યો છે તો ઉમરગામ, મેંદરડા અને પલસાણામાં અડધો ઈંચ વરસાદ પડ્યો છે. ભાણવડ, કુતિયાણા, જાફરાબાદમાં વરસાદ પડ્યો છે તો જેતપુર, ગણદેવી, વાપીમાં પણ વરસાદ પડ્યો છે.
સંઘપ્રદેશ દમણમાં પણ વરસાદી માહોલ જોવા મળી રહ્યો છે. ગઈકાલે દિવસભર વાદળછાયું વાતાવરણ હતું. દિવસે જિલ્લામાં વિવિધ વિસ્તારોમાં છૂટો છવાયો વરસાદ વરસ્યો હતો. રાત્રે વાપી અને દમણમાં પણ વરસાદ પડ્યો હતો જેના કારણે વાતાવરણમાં ઠંડક પ્રસરી ગઈ છે.
વલસાડ જિલ્લામાં વરસાદી માહોલ છે જ્યારે ઉમરગામમાં મધરાત બાદ ભારે વરસાદ પડ્યો હતો. વાપીમાં પણ ધીમીધારે વરસાદ પડ્યો હતો. સંઘપ્રદેશ દમણમાં પણ વરસાદી માહોલ જોવા મળી રહ્યો છે. લાંબા સમય બાદ વાતાવરણમાં ઠંડક જોવા મળી રહી છે. વલસાડમાં વિધિવત ચોમાસાની શરૂઆત થઈ ગઈ છે.
છેલ્લા 24 કલાકમાં રાજ્યના 125 તાલુકામાં વરસાદ વરસ્યો હતો. વલસાડના ઉમરગામમાં ચાર કલાકમાં ધોધમાર પોણા છ ઇંચ વરસાદ ખાબક્યો હતો અને આઠ તાલુકામાં બે ઇંચ વરસાદ વરસ્યો હતો.
છેલ્લા 24 કલાકમાં ભાવનગરના ઘોઘામાં ત્રણ ઈંચ, સાયલા અને ભરૂચમાં બે બે ઈંચ, ધોરાજી અને અમરેલીમાં બે-બે ઈંચ વરસાદ વરસ્યો હતો. ભેંસાણ અને બરવાળામાં પોણા બે ઈંચ વરસાદ વરસ્યો હતો. ગીર સોમનાથના પાટણ વેરાવળ, ભાવનગર, માંગરોલમાં પોણા બે ઈંચ વરસાદ વરસ્યો હતો.
વાગરા, વાપી, ગીર ગઢડા, સુત્રાપાડા, કોડીનારમાં દોઢ ઈંચ વરસાદ વરસ્યો હતો. અંકલેશ્વર, બોટાદ, ગોંડલ, સિહોર, રાજકોટ અને જૂનાગઢમાં સવા ઈંચ વરસાદ વરસ્યો હતો. બાબરા, મોડાસા, કપરાડા, પડધરી, કોટડા સાંગાણી, માણાવદરમાં એક ઈંચ વરસાદ વરસ્યો હતો. કુતિયાણા, મેંદરડા,ઉના, લાઠી, જામનગર, માંગરોળ, મુળી, વંથલી, કુકાવાવ, તળાજા, ઝઘડીયા અને તાલાલામાં પોણો ઈંચ વરસાદ વરસ્યો હતો.
ચોમાસામા આગમન સાથે જ રાજ્યમાં વરસાદી માહોલ જામ્યો છે. સુરત શહેરના અનેક વિસ્તારમાં આજે સવારથી વરસાદ શરુ થયો છે. શહેરના વેસુ, પીપલોદ, ઉમરા, યુનિવર્સિટી રોડ, ડુમસ રોડ, ઉધના, પાંડેસરા, પાલ અડાજણ સહિતના વિસ્તારમાં વરસાદ વહેલી સવારથી વરસાદ શરુ થયો છે.
- - - - - - - - - Advertisement - - - - - - - - -