Gujarat Rain Live Updates: સુરતમાં ધોધમાર વરસાદ, સણીયા-અહેમદ ગામ બેટમાં ફેરવાયું
અમદાવાદમાં પણ વરસાદી માહોલ જોવા મળ્યો. વરસાદના કારણે અનેક વિસ્તારમાં ઘૂંટણસમા પાણી ભરાયા છે.
હવામાન વિભાગે આગામી 3 કલાકમાં વરસાદને લઈને મહત્વની આગાહી કરી છે. જેમાં બનાસકાંઠા, પાટણ, મહેસાણા, અરવલ્લી, દાહોદ, મહીસાગર, છોટાઉદેપુર , આણંદ , અમદાવાદ , સુરેન્દ્રનગર, બોટાદ, ભાવનગર, રાજકોટ અને જૂનાગઢમાં ગાજવીજ સાથે વરસાદની આગાહી કરવામાં આવી છે. આ ઉપરાંત સાબરકાંઠા, ગાંધીનગર, ખેડા , નર્મદા, ભરૂચ, સુરત ,ડાંગ, તાપી, નવસારી , દમણ, દાદરા નગર હવેલી, ગીર સોમનાથમાં સામાન્ય છુટાછવાયા વરસાદની આગાહી કરવામાં આવી છે. જામનગર, મોરબી, દ્રારકા ,કચ્છમાં પણ સામાન્ય વરસાદની આગાહી કરવામાં આવી છે.
અરવલ્લીના બાયડ તાલુકાના જીતપુરમાં આભ ફાટ્યું હતું. માત્ર એક કલાકમાં ચાર ઇંચ વરસાદ વરસ્યો હતો. જીતપુર ગામમાં પાણી ભરાયા હતા. ભારે વરસાદના કારણે સ્થાનિક લોકોને હાલાકીનો સામનો કરવો પડ્યો હતો. જીતપુર ગામની ગલીઓમાં નદી જેવા હાલ થયા હતા.
ગીર સોમનાથ જિલ્લામાં સાર્વત્રિક ધોધમાર વરસાદ વરસ્યો હતો. ગીર સોમનાથના ઉનામાં ચાર કલાકમાં ચાર ઇંર વરસાદ ખાબક્યો હતો. ઉના, તાલાલા, કોડીનાર, સૂત્રાપાડામાં વરસાદ વરસ્યો હતો. ભારે વરસાદના કારણે ઉનાના આનંદ બજારમાં કેડ સમા પાણી ભરાયા હતા. આનંદ બજારમાં કેડ સમા પાણી ભરાતા વાહન ચાલકોને હાલાકીનો સામનો કરવો પડ્યો હતો. તાલાલાના ધાવા, અમરવેલ, સુરવા,માધુપુર ગામોમાં વરસાદ વરસ્યો હતો.
નવસારીના જલાલપોર તાલુકામાં પણ ભારે વરસાદ વરસ્યો હતો. મળતી જાણકારી અનુસાર, નવસારીના જલાલપોર તાલુકાના વેસ્મા ગામમાં ભારે વરસાદના કારણે મુખ્ય બજારમાં પાણી ભરાયા હતા. ભારે વરસાદના કારણે હાઇવેથી જતા મુખ્ય બજારમાં ઘૂંટણ સમા પાણી ભરાયા હતા. મુખ્ય બજારમાં પાણી ભરાતાં વાહન ચાલકો મુશ્કેલીમાં મુકાયા હતા. પાણી ભરાવાના કારણે બજારમાંથી પસાર થતા અનેક વાહનો બંધ પડ્યા હતા. પાણીનો યોગ્ય નિકાલ ના થતા લોકોને હાલાકી વેઠવાનો વારો આવ્યો હતો.
ગીર સોમનાથ જિલ્લામાં સાર્વત્રિક ધોધમાર વરસાદ વરસ્યો હતો. ઉના, તાલાલા, કોડીનાર, સુત્રાપાડામાં વરસાદ વરસ્યો હતો. ઉનાના આનંદ બજારમાં કેડસમા પાણી ભરાયા હતા. સુત્રાપાડામાં ધોધમાર વરસાદથી ખેતરો બેટમાં ફેરવાયા હતા. કોડીનારના અલગ અલગ વિસ્તારો જળબંબાકાર થયા હતા.
ગીર સોમનાથના ઉનામાં બે ઇંચ વરસાદ ખાબક્યો હતો. વરસાદથી ઉના શહેરના મુખ્ય માર્ગો પર પાણી ફરી વળ્યા હતા. આનંદ બજારમાં કમર સુધી પાણી ભરાઇ ગયા હતા. પાણી ભરાતા વાહન ચાલકો મુશ્કેલીમાં મુકાયા હતા.
સુરતના પલસાણામાં ધોધમાર વરસાદ વરસ્યો હતો. પલસાણાની બલેશ્વર ખાડી ઉભરાઈ હતી. ખાડી પાર રહેતા 40 થી વધુ પરિવારો મુશ્કેલીમાં મુકાયા હતા. બલેશ્વર ગામ આખું બેટમાં ફેરવાયું હતું.
અમદાવાદ રખિયાલ અજીત મીલ પાસેના મુખ્ય રસ્તા પર વરસાદી પાણી ભરાયા હતા. અજીત મિલ ચાર રસ્તા પાસે એક તરફનો રસ્તો પાણીમાં ગરકાવ થયો હતો. વરસાદી પાણી ભરાતા વાહન ચાલકો મુશ્કેલીમાં મુકાયા હતા.
સુરતમાં સતત બીજા દિવસે ભારે વરસાદ વરસી રહ્યો છે. સુરતના સનીયા અહેમદ વિસ્તારમાં ઢીંચણથી કેડ સમા પાણી ભરાયા હતા. નીચાણવાળા વિસ્તારોમાં અનેક મકાનોમાં પાણી ભરાયા હતા. સનીયા અહેમદ ગામ બેટમાં ફેરવાયું હતું.
તાપી જિલ્લામાં ધોધમાર વરસાદ વરસી રહ્યો છે. વ્યારા તાલુકાના પાનવાડી નજીકના ખેતરોમાં પાણી ભરાયા હતા.
બ્રેકગ્રાઉન્ડ
રાજ્યભરમાં સાર્વત્રિક વરસાદ પડી રહ્યો છે. ત્યારે આજ સવારથી અમદાવાદમાં પણ વરસાદી માહોલ જોવા મળ્યો. વરસાદના કારણે અનેક વિસ્તારમાં ઘૂંટણસમા પાણી ભરાયા છે. અમદાવાદના અલગ અલગ વિસ્તારોમાં સવારમાં વરસાદનું આગમન થયું હતું. અહીં સાબરમતી, શાહીબાગ, રાણીપ,RTO સર્કલ વિસ્તારમાં વરસાદના કારણે રસ્તા પર પાણી ભરાયા હતા. હેલમેટ સર્કલ સહિતના વિસ્તારમાં વરસાદ ભરાતા આખરે ફરી એકવાર મનપાની પ્રિમોન્સૂન કામગીરીની પોલ ખુલ્લી છે. અમદાવાદમાં વરસાદથી અનેક વિસ્તારો જળબંબાકાર થઇ ગયા છે.અમદાવાદનાતલાવડી, એરપોર્ટ સર્કલ, રાણીપ વિસ્તારમાં એટલું પાણી છે કે વાહન ચાલક સહિત રાહદારી પણ ખૂબ જ હાલાકી ભોગવી રહ્યાં છે.
સુરતમાં પણ સતત બીજા દિવસે વરસાદ વરસ્યો હતો. વરસાદના કારણે અનેક વિસ્તારોમા પાણી ભરાયા હતા. સણીયા-અહેમદ ગામમાં નીચાણવાળા વિસ્તારોમાં પાણી ભરાયા હતા. પુણા કુંભારીયા સારોલી જવાના રસ્તા પર પાણી ભરાયા હતા. પાણીના યોગ્ય નિકાલની વ્યવસ્થા ન હોવાથી પાણી ભરાયા હતા. અમદાવાદમાં નારોલ,નરોડા, ચાંદખેડા વિસ્તારમાં પાણી ભરાયા હતા. સુરતના સણીયા અહેમદ ગામમાં જળબંબાકારની સ્થિતિ સર્જાઇ હતી.
અમદાવાદમાં મણીનગરમાં ઈમારતનો એક ભાગ ધરાશાયી થયો હતો. ઉત્તમનગર સ્લમ ક્વાર્ટરની ઈમારતનો ભાગ ધરાશાયી થતાં ફાયરની ટીમ ઘટનાસ્થળે પહોંચી ગઇ હતી. અને જર્જરિત ઇમારતમાંથી રેસ્ક્યુ હાથ ધર્યું હતું અને લોકોનું સહી સલામત રીતે રેસ્ક્યુ કરવામાં આવ્યું હતું. જો કે સદભાગ્યે કોઇ જાનહાનિના સમાચાર નથી.
સુરતના સણીયા અહેમદ વિસ્તારમાં ઢીંચણથી કેડ સમા પાણી ભરાયા હતા. નીચાણવાળા વિસ્તારોમાં અનેક મકાનોમાં પાણી ભરાયા હતા. સણીયા અહેમદ ગામ બેટમાં ફેરવાયું હતું. વરસાદી પાણીના નિકાલની વ્યવસ્થા ન હોવાથી જળબંબાકાર થયું હતું.
વરસાદે અમદાવાદ મનપાની પોલ ખોલી નાંખી છે. થોડા જ વરસાદમાં અનેક વિસ્તારો જળબંબાકાર થઈ ગયા છે. પ્રિ-મોનસૂનની કામગીરીની પોલ ખુલી ગઈ છે. રસ્તા પર ઘુંટણસમા પાણી ભરાયા છે. કોર્પોરેટરો રસ્તા નાગરિકોની હાલાકી સ્પષ્ટ જોવા મળી રહી છે. એટલું જ નહીં તલાવડી, એયરપોર્ટ સર્કલ, રાણીપ વિસ્તારમાં પણ પાણી ભરાવાથી વાહન ચાલકો અને લોકોને ભારે હાલાકની સામનો કરવો પડી રહ્યો છે. સુભાષબ્રિજ, રાણીપ, ચાંદખેડામાં પણ પાણી ભાયા છે. અમદાવાદના મધ્ય અને પશ્ચિમ ઝોનમાં ભારે વરસાદ પડી રહ્યો છે.
- - - - - - - - - Advertisement - - - - - - - - -