Gujarat Weather Update: હવામાન વિભાગ દ્વારા માવઠાને લઈ આગાહી કરવામાં આવી છે. આગામી 24 કલાક સુધી માવઠું રહેવાની શક્યતા છે. રાજકોટ, અમરેલીમાં વરસાદની આગાહી છે, દક્ષિણ ગુજરાતમાં નવસારી, વલસાડ, સુરત, તાપીમાં વરસાદની આગાહી છે, જ્યારે દાહોદ અને પંચમહાલ, મહીસાગર અને અરાવલ્લીમાં પણ વરસાદની શક્યતા છે. આવતીકાલથી વરસાદ ન પડવાની શક્યતા છે. 40 km/h ની સ્પીડથી પવન ફુંકાવવાની શક્યતા છે. માવઠાને કારણે હવામાન વિભાગે ખેડૂતો માટે સાવચેતીના પગલાં લેવા જણાવાયું છે. 48 કલાક બાદ ગરમીમાં વધારો થશે..
પ્રાકૃતિક સુંદરતાથી ભરપૂર એવા ડાંગ જિલ્લામાં પણ કમોસમી વરસાદ વરસ્યો છે જેના કારણે ડાંગ જિલ્લામાં નાગલી સ્ટ્રોબેરી જેવા પાકોની ખેતી કરતા ખેડૂતોમાં મોટા પ્રમાણમાં ચિંતા જોવા મળી રહી છે ડાંગ જિલ્લામાં ઉનાળાની શરૂઆતમાં નાગલીનો પાક લેવામાં આવે છે અને અમુક ખેડૂતો સ્ટ્રોબેરી કાંદા અને અન્ય શાકભાજીનો પાક લે છે પરંતુ કમ અસમી વરસાદ પડતા મોટા પ્રમાણમાં નુકસાન થયું છે જેમાં પણ સ્ટ્રોબેરીના પાકને વ્યાપક નુકસાન થતા ખેડૂતોને ભાવો ઉપર અસર જોવા મળશે.
કમોસમી વરસાદ બાબતે કૃષિમંત્રી રાઘવજી પટેલનું નિવેદન
કમોસમી વરસાદ બાબતે કૃષિમંત્રી રાઘવજી પટેલે નિવેદન આપતાં કહ્યું, અગાઉથી જ ખેડૂતોને કમોસમી વરસાદ મામલે ચેતવ્યા હતા. વરસાદથી પાક પર થતી અસર માટે અગાઉથી સૂચના અપાય હતી. હજી પણ 2 દિવસના વરસાદની આગાહી છે. વરસાદ પર રિપોર્ટ આવશે, રિપોર્ટ બાદ નિર્ણય લેવામાં આવશે.
રાજ્યમા 24 કલાકમાં 103 તાલુકામાં વરસાદ
રાજ્યમા 24 કલાકમાં 103 તાલુકામાં વરસાદ નોધાયો છે. સૌથી વધુ રાજકોટના કોટડાસાંગાણીમાં એક ઇંચથી વધુ વરસાદ પડ્યો છે. ઉપરાંત રાજ્યના અનેક તાલુકામાં 1 થી લઇને 9મિમી સુધી કમોસમી વરસાદ પડ્યો છે. રાજકોટના કોટડા સાંગાણી 27 મિમી, અમરેલીના બગસરામાં 23મિમી, રાજકોટના લોધીકામાં 19મિમી, દાહોદના ઝાલોદમાં 17 મિમી, સુરેન્દ્રનગરના સાયલામાં 13મિમી, રાજકોટમાં 12 મિમી, નર્મદા ડેડિયાપાડામાં 12મિમી, ડાંગના સુબીરમાં 12મિમી, બનાસકાંઠાના ભાભરમાં 12મિમી, રાજકોટના ગોંડલમાં 10મિમી, ગાંધીનગરના માણસામાં 10મિમી અને અમદાવાદના માંડલમાં 10મિમી વરસાદ નોંધાયો છે.
સોમવારે શેત્રુજી નદીમાં ભર ઉનાળે પૂર આવ્યું
હવામાન વિભાગની આગાહીને પગલે સોમવારે રાજ્યના 15 જિલ્લામાં વરસાદ પડ્યો છે. જેના કારણે ખેતીના પાકને મોટી નુકસાની ગઈ છે. કેરી,ચીકુ અને કપાસના પાકને મોટી નુકસાની ગઈ છે. અમરેલી અને જુનાગઢ વિસ્તારમાં ભારે વરસાદને કારણે નદીઓમાં પુરની સ્થિતિ જોવા મળી હતી. જૂનાગઢના આંબાજળ નદીમાં પૂર આવ્યું હતું. વિસાવદર પંથકમાં વરસાદથી રસ્તાઓ પર પાણી ભરાઈ ગયા હતા. મુંડીયારાવણી, વેકરીયા, રાજપરા ગામમાં ભારે પવન સાથે વરસાદ પડ્યો હતો. કમોસમી વરસાદથી ખેડૂતોને નુકસાનની ભીતિ છે. તો બીજી તરફ અમરેલી જિલ્લામાં વરસાદ આવતા નદીમાં પુર આવ્યું હતું. ધારી પંથકમાં ધોધમાર વરસાદ પડ્યો હતો. ધારીના બોરડી ગામે શેત્રુજી નદીમાં પૂર આવ્યું હતું. તો ધારીના મીઠાપુર નક્કી ગામે પણ નદીમાં પૂર આવ્યું હતું. ધારીના મીઠાપુર, દલખાણીયા, કુબડા, ચાચઇ પાણીયા,ગીગાસણ, ગોવિંદપુર, ફાચરિયા, સરસિયા, નાના ભમોદ્રા, જીરા, ખિસરી સહિતના ગ્રામ્ય વિસ્તારોમાં વરસાદી માહોલ જોવા મળ્યો હતો.