'સિંગર કાજલ મહેરિયાએ માં ઉમિયા પર અભદ્ર ટિપ્પણી કરી' - ગાયક સાગર પટેલે સોશ્યલ મીડિયા પૉસ્ટ કરી લગાવ્યા ગંભીર આરોપો

Gujarati Lok Singer Controversy: ઉત્તર ગુજરાતની કોયલ ગણાતી કાજલ મહેરિયા હંમેશા તેના ગીતોને લઇને ચર્ચામાં રહે છે. પરંતુ આ વખતે એક વિવાદને કારણે ચર્ચામાં આવી છે

Gujarati Lok Singer Controversy: ગુજરાતમાં બે લોક ગાયકો વચ્ચે વિવાદને લઇને મોટા સમાચાર સામે આવ્યા છે. ઉત્તર ગુજરાતની કોયલ ગણાતી કાજલ મહેરિયા અને યુવા સિંગર સાગર પટેલ વચ્ચે વિવાદની વાતો સામે આવી છે. દ્વારકાના એક કાર્યક્રમમાં બનેલી એક ઘટનાને લઇને સાગર પટેલે કાજલ મહેરિયા પર ગંભીર આરોપો લગાવ્યા છે. આરોપ છે કે, કાજલ મહેરિયાએ માં ઉમિયા માતા પર અભદ્ર ટિપ્પણી કરી હતી, જેને લઇને હવે વિવાદ વકર્યો છે. 

ઉત્તર ગુજરાતની કોયલ ગણાતી કાજલ મહેરિયા હંમેશા તેના ગીતોને લઇને ચર્ચામાં રહે છે. પરંતુ આ વખતે એક વિવાદને કારણે ચર્ચામાં આવી છે. ગુજરાતી લોક ગાયક સાગર પટેલે પોતાની એક સોશ્યલ મીડિયા પૉસ્ટમાં કાજલ મહેરિયા પર સનસનીખેજ આરોપો લગાવ્યા છે, કાજલ મહેરિયાએ માં ઉમિયા માતા પર અભદ્ર ટિપ્પણી કર્યાનો આરોપ આ પૉસ્ટમાં લગાવવામાં આવ્યો છે, કાજલ મહેરિયાએ દ્વારકાના કાર્યક્રમમાં આ અભદ્ર ટિપ્પણી કરી હોવાની વાત કહેવામાં આવી છે. ગુજરાતના બે લોકગાયકોના ઝઘડાને લઇને હવે વિવાદ વધુ વકર્યો છે.

કોણ છે કાજલ મહેરિયા?મહેસાણા જિલ્લાના વિસનગર તાલુકાના ગોઠવા ગામમાં 21 નવેમ્બર 1992ના રોજ કાજલ મહેરિયાનો જન્મ થયો હતો. તેમના પિતાનું નામ નગીનભાઈ છે તેઓ એક ખેડૂત છે. કાજલ મહેરિયા નવા સોંગ હોય લોકગીત ભજન હોય કે લગ્ન ગીતો હોય કે પછી હોય રાસ ગરબા અને ગીતો ગાવામાં ચાર ચાંદ લગાવી દે છે. કાજલ સોશિયલ મીડિયામાં પણ બહુ જ એક્ટિવ રહે છે. સિંગર કાજલ મહેરિયા ગુજરાતની મહિલા સિંગરમાં જાણીતું નામ છે. કાજલના અનેક ગીતોએ સોશિયલ મીડિયામાં ધૂમ મચાવી છે જ્યારે કાજલ મહેરિયાના ‘મળ્યાં માના આશીર્વાદ’ સોંગે ગુજરાતમાં ધૂમ મચાવી હતી. જે સમયે કાજલે આ સોંગ ગાયું ત્યાર બાદા કાજલ ગુજરાતમાં ફેમસ થઈ ગઈ હતી. હાલ પણ ઉત્તર ગુજરાત સહિત ગુજરાતમાં પોતાની આગવી ઓળખ ધરાવે છે. ઉલ્લેખનીય છે કે, મૂળ વિસનગરની કાજલ મહેરિયાનો જન્મ એક ખેડૂત પરિવારમાં થયો છે. કાજલ મહેરિયાના અનેક ગીતો ફેમસ થયા છે. જેમાં નવા ગીતો, લોકગીતો, ભજન, લગ્ન ગીતો, રાસ ગરબા વગેરે સામેલ છે. આ ઉપરાંત તે સોશિયલ મીડિયા પર પણ બહુ જ એક્ટિવ રહે છે. સોશિયલ મીડિયા પર તેના અનેક ફોલોવર્સ છે. ટિકટોક પર પણ કાજલ મહેરીયાના મોટી સંખ્યામાં ફોલોવર્સ હતા.

લોકગાયિકા કાજલ મહેરિયા અગાઉ પણ આવી ચૂક છે વિવાદમાં

કાજલ મહેરીયા આ પહેલાં પણ કોરોના કાળમાં લોકોની ભીડ જમાવીને નિયમોનો ભંગ કરવા બદલ વિવાદ પેદા કરી ચૂકી છે. થરાદ તાલુકાના કેશર ગામે નાગજીભાઈ સોનાજી નાયીના દીકરાનો લગ્ન પ્રસંગ હોવાથી   કાજલ મહેરિયાને આમંત્રિત કરવામાં આવી હતી.   29 નવેમ્બર 2020ની રાત્રે   કાજલ મહેરિયાએ ડીજેના તાલે ગીતો ગાયા હતા.   મોટી સંખ્યામાં લોકોની ભીડ સર્જાતાં જાહેરનામાનું ઉલ્લંઘન થયું હતું. આ અંગેનો વીડિયો ઉતારી વાયરલ કરાયો હતો.   પોલીસે 16 ડિસેમ્બરના રોજ લગ્ન આયોજક વરરાજાના પિતા નાગજીભાઈ સોનાજી નાયી અને   કાજલ મહેરીયા સામે ગુન્હો નોંધ્યો હતો. આ ગુનામાં લોક ગાયિકા કાજલ મહેરીયા જામીન સાથે થરાદ પોલીસ મથકે હાજર થઈ જામીન પર મુક્તિ મેળવી હતી.

 એક વર્ષ અગાઉ વિસનગર તાલુકાના વાલમમાં રબારીવાસમાં લગ્ન પ્રસંગમાં રાસ-ગરબાનું આયોજન કર્યુ હતું. જેમાં લોકગાયિકા કાજલ મહેરિયાનો વીડિયો સોશિયલ મીડિયામાં ફરતો હોવાથી તપાસ કરતાં 100થી વધુ માણસો હોવાનું તેમજ માસ્ક પહેરલ ન હોવાનું બહાર આવતાં પોલીસે કાજલબેન નગીનભાઈ મહેરિયા, રાજ ગીરીશભાઈ પટેલ, રાજેશકુમાર રાયમલભાઈ રબારી,મૌલિકકુમાર ધીરૂભાઇ રબારી સહિત 14 લોકો સામે જાહેરનામા ભંગની તેમજ એકેડેમીક એક્ટ હેઠળ ગુનો દાખલ કર્યો હતો.

આ પણ વાંચો