Gujarat Rain Forecast: રાજ્યના ખેડૂતો માટે વધુ એક માઠા સમાચાર છે. હવામાન નિષ્ણાંત અંબાલાલ પટેલે 22 ઓક્ટોબર સુધી દક્ષિણ ગુજરાત અને સૌરાષ્ટ્રમાં ભારે વરસાદનું અનુમાન વ્યક્ત કર્યું છે. અરબી સમુદ્રમાં સર્જાનારા ડિપ્રેશનની અસરના કારણે 22 ઓક્ટોબર સુધી વરસાદી માહોલ રહેશે. 22 ઓક્ટોબરે દક્ષિણ ગુજરાત, સૌરાષ્ટ્રમાં ભારે વરસાદનું અનુમાન છે. અંબાલાલ પટેલના આંકલન મુજબ બંગાળના ઉપસાગરમાં એક મજબૂત સિસ્ટમ બનશે. આ સિસ્ટમ વાવાઝોડોમાં પરિવર્તિત થઇ શકે છે .જેની અસરથી ભારે પવન સાથે ગુજરાતમાં વરસાદનું અનુમાન છે. અંબાલાલ પટેલની આગાહી મુજબ 7 નવેમ્બરે ફરી સાયક્લોનિક સિસ્ટમ સક્રિય થતાં રાજ્યમાં 7 નવેમ્બરથી 10 નવેમ્બર સુધી ગુજરાતના અલગ અલગ જિલ્લામાં વરસાદનું અનુમાન છે.
હવામાન વિભાગના આંકલનની વાત કરીઓ તો રાજ્યના પાંચ જિલ્લામાં આજે ભારે વરસાદનું હવામાન વિભાગે એલર્ટ જાહેર કર્યું છે. સૌરાષ્ટ્રના બે, તો દક્ષિણ ગુજરાતના ત્રણ જિલ્લાના છુટાછવાયા સ્થળો પર ભારે વરસાદની આગાહીને પગલે યલો એલર્ટ જાહેર કરવામાં આવ્યું છે. સૌરાષ્ટ્રના અમરેલી અને ભાવનગર જિલ્લાના છુટાછવાયા સ્થળો પર ભારે વરસાદ વરસી શકે છે. તો દક્ષિણ ગુજરાતના નવસારી, ડાંગ અને વલસાડ જિલ્લામાં પણ ભારે વરસાદની આગાહીને પગલે યલો એલર્ટ જાહેર કરવામાં આવ્યું છે.
સંઘ પ્રદેશ દમણ અને દાદરાનગર હવેલીના છુટાછવાયા સ્થળે પર ભારે વરસાદ વરસી શકે છે. તો પ્રવાસન સ્થળ દીવમાં હળવાથી મધ્યમ વરસાદની હવામાન વિભાગે આગાહી કરી છે. રાજ્યમાં વાતાવરણમાં પલટો આવતા આસોમાં અષાઢી માહોલ જામ્યો છે. શનિવારે અમદાવાદમાં બપોરના સમયે વીજળીના કડાકા ભડાકા અને ભારે પવન સાથે અલગ અલગ વિસ્તારોમાં ધોધમાર વરસાદ વરસ્યો હતો. પાલડી, ઉસ્માનપુરામાં સવા ઈંચ વરસાદ વરસ્યો હતો તો વાસણા, બોડકદેવમાં એક ઈંચથી વધુ વરસાદ વરસતા રસ્તાઓ થયા પાણી પાણી થઇ ગયા હતા.
22 ઓક્ટોથી બંગાળની ખાડીમાં વધુ એક મજબુત સિસ્ટમ બનવાનું હવામાન નિષ્ણાંત અંબાલાલ પટેલ અનુમાન વ્યકત કર્યું છે. સિસ્ટમ ચક્રવાતમાં પરિવર્તિત થઈને ગુજરાતના અલગ અલગ જિલ્લામાં વરસાદની અંબાલાલ પટેલે શક્યતા વ્યક્ત કરી