મોડીરાતે અમદાવાદના નારણપુરા, જીવરાજપાર્ક, સેટેલાઈટ, બોપલ, રાણીપ, સરખેજ, શ્યામલ-શિવરંજનીમાં વીજળીના કડાકા-ભડાકા સાથે વરસાદ ખાબક્યો હતો. જ્યારે ખોખરા, હાટકેશ્વર, અમરાઈવાડી, મણિનગર, ઈસનપુર, નારોલ, જશોદાનગર, ઘોડાસર, રામોલ, હાથીજણ, વસ્ત્રાલ, વટવા, રખિયાલ, બાપુનગર, ગોમતીપુરમાં પણ વરસાદી ઝાપટા પડ્યા છે.
હવામાન વિભાગ દ્વારા રાજ્યમાં થંડર સ્ટ્રોમના કારણે આગામી 48 કલાકમાં વરસાદની આગાહી કરવામાં આવી છે. જેમાં ગુજરાતમાં અમદાવાદ સહિત કેટલાક જિલ્લાઓમાં વરસાદની સંભાવના વ્યક્ત કરવામાં આવી છે.
કોરોના વાયરસના કહેર વચ્ચે હવામાન વિભાગ દ્વારા સૌરાષ્ટ્રના કેટલાંક વિસ્તાર સહિત કચ્છમાં પણ વરસાદની આગાહી કરી છે. ગુજરાત રાજ્યમાં જ્યાં એક તરફ જનતા 21 દિવસના લોકડાઉનના કારણે જીવન જરૂરિયાતની વસ્તુઓને લઇને હાડમારીનો સામનો કરી રહી છે ત્યારે કમોસમી વરસાદના પગલે હવે ખેડૂતોની ચિંતામાં વધારો થયો છે.