ગાંધીનગર: હવામાન વિભાગના જણાવ્યા અનુસાર આગાણી 24 કલાક ચાર જિલ્લા માટે હજુ પણ ભારે રહેશે.  રાજ્યના ચાર જિલ્લામાં ભારેથી અતિભારે વરસાદની આગાહી કરવામાં આવી છે. હવામાન વિભાગના જણાવ્યા અનુસાર,   દેવભૂમિ દ્વારકા, રાજકોટ, ભાવનગર અને વલસાડ જિલ્લામાં વરસાદનું રેડ એલર્ટ આપવામાં આવ્યું છે. આ જિલ્લાઓમાં ભારેથી અતિભારે વરસાદ થવાની શક્યતા છે.   વલસાડ, દમણ, દાદરાનગર હવેલીમાં વરસાદનું રેડ એલર્ટ છે.  વડોદરા, ભરૂચ, સુરત, આણંદ, નવસારીમાં ઓરેન્જ એલર્ટ આપવામાં આવ્યું છે.  કચ્છ, જામનગર, પોરબંદર, જૂનાગઢમાં વરસાદનું ઓરેન્જ એલર્ટ આપવામાં આવ્યું છે. 




રાજ્યમાં આગામી 2 દિવસ ભારે વરસાદની આગાહી કરવામાં આવી છે.  કેટલાક સ્થળોએ ભારેથી અતિ ભારે વરસાદ વરસી શકે છે.  દક્ષિણ ગુજરાતના જિલ્લામાં ભારેથી અતિભારે વરસાદની સંભાવના છે.  



સૌરાષ્ટ્રના જિલ્લાઓમાં રાજકોટ, ભાવનગર અને  દેવભૂમિ દ્વારકામાં ભારે થી અતિભારે વરસાદની આગાહી કરાઈ છે.  વલસાડ અને દમણ, દાદરા નગર હવેલીમાં ભારેથી અતિભારે  વરસાદની આગાહી કરવામાં આવી છે.   આણંદ, વડોદરા, ભરૂચ, સુરત અને નવસારીમાં ભારે વરસાદની સંભાવના હવામાન વિભાગ દ્વારા વ્યક્ત કરવામાં આવી છે.  


સૌરાષ્ટ્ર-કચ્છના જિલ્લાઓમાં જામનગર,પોરબંદર, જૂનાગઢ, અમરેલી, ગીર સોમનાથ, કચ્છ અને દીવમાં ભારે વરસાદની શક્યતા હવામાન વિભાગે વ્યક્ત કરી છે. 


ગુજરાતના અન્ય જિલ્લાઓમાં છૂટાછવાયા સ્થળોએ ભારે વરસાદની સંભાવના છે.  બનાસકાંઠા, મહેસાણા, સાબરકાંઠા, અરવલ્લી, ખેડા, અમદાવાદ, મહિસાગર, છોટા ઉદેપુર, નર્મદા, ડાંગ અને તાપીમાં છૂટા છવાયા ભારે વરસાદની આગાહી છે.  બોટાદમાં પણ ભારે વરસાદની આગાહી છે.  


ઉત્તર ગુજરાતમાં ભારે વરસાદની આગાહી


સોમવારે ઉત્તર ગુજરાતના  બનાસકાંઠા, મહેસાણા અને સાબરકાંઠામાં અતિભારે વરસાદની સંભાવના છે.  સોમવારે સૌરાષ્ટ્રના જિલ્લાઓમાં પોરબંદર અને દ્વારકામાં અતિભારે વરસાદની આગાહી છે. ગાંધીનગર, અરવલ્લી અમદાવાદ, નવસારી, વલસાડ અને દમણ, દાદરા નગર હવેલીમાં અતિભારે વરસાદની આગાહી છે. સૌરાષ્ટ્રના જિલ્લાઓમાં જૂનાગઢ અને ગીર સોમનાથમાં ભારે વરસાદની આગાહી છે.  


દક્ષિણના જિલ્લાઓમાં ભારે વરસાદની સંભાવના


25 જુલાઈના મંગળવારે  દક્ષિણના જિલ્લાઓમાં ભારે વરસાદની સંભાવના છે.   નવસારી, વલસાડ અને દમણ, દાદરા નગરમાં હવેલીમાં ભારે વરસાદની આગાહી કરવામાં આવી છે.  મંગળવારે સૌરાષ્ટ્રના ભાવનગર જિલ્લામાં ભારે વરસાદની આગાહી હવામાન વિભાગ દ્વારા કરવામાં આવી છે.   


Join Our Official Telegram Channel:
https://t.me/abpasmitaofficial