અમદાવાદ: હવામાન વિભાગની આગાહી મુજબ આજે પણ રાજ્યના અનેક જિલ્લાઓમાં ભારે વરસાદનું અનુમાન છે. આજે પણ વહેલી સવારથી જ અનેક જિલ્લાઓમાં વરસાદી માહોલ છે.
હવામાન વિભાગની આગાહીની આગાહી અનુસાર, અપર એર સાયક્લોનિક સર્ક્યુલેશન સક્રિય થવાના કારણે આજે ભારેથી અતિભારે વરસાદની આગાહી વ્યક્ત કરવામાં આવી છે. અમદાવાદમાં આજે ગાજવીજ સાથે હળવાથી મધ્યમ વરસાદની આગાહી વ્યક્ત કરવામાં આવી છે. આગામી એક અઠવાડિયા સુધી સૌરાષ્ટ્ર અને કચ્છમાં ભારે વરસાદની આગાહી કરવામાં આવી છે.
આજે આ જિલ્લાઓમાં ખાબકશે વરસાદ
સૌરાષ્ટ-કચ્છમાં પણ ભારે વરસાદનું અનુમાન હવામાન વિભાગ દ્વાર વ્યક્ત કરવામાં આવ્યું છે. 45થી 55 કિલોમીટર પ્રતિ કલાકની ગતિએ પવન ફૂંકાવાની શક્યતા વ્યક્ત કરવામાં આવી છે. આજે ભારેથી અતિભારે વરસાદ સાથે હવામાન વિભાગનું ઓરેન્જ એલર્ટ છે. આજે સાબરકાંઠા, અરવલ્લી, નવસારી, વલસાડ, દમણ, દાદરા નગર હવેલીમાં ભારેથી અતિ ભારે વરસાદની આગાહી કરવામાં આવી છે.
આ સિવાય સૌરાષ્ટ કચ્છમાં પણ વરસાદનું અનુમાન છે. સુરેન્દ્રનગર, રાજકોટ, જામનગર, પોરબંદર , જૂનાગઢ, મોરબી, દ્વારકા અને કચ્છમાં ભારે વરસાદ સાથે યલો એલર્ટની આગાહી કરાઈ છે.
આવતીકાલે આ જિલ્લાઓમાં વરસશે વરસાદ
આવતીકાલે અરવલ્લી, પંચમહાલ, દાહોદ, મહીસાગર, વડોદરા, છોટાઉદેપુર, નર્મદા માં ભારે વરસાદની આગાહી કરવામાં આવી છે. જ્યારે સૌરાષ્ટ અને કચ્છમાં, અમરેલી અને ભાવનગરમાં ભારે વરસાદની આગાહી હવામાન વિભાગે કરી છે.