Banaskantha: ગુજરાતમાં દારૂબંધી હોવા છતાં રોજબરોજ ક્યાંકને ક્યાંક દારૂ પકડાયાની ઘટના સામે આવે છે. બનાસકાંઠાના પાલનપુરમાં ગવર્મેન્ટ ઓફ ગુજરાત લખેલી ગાડીએ રાહદારીને અડફેટે લીધો હતો. અકસ્માત સર્જેલી ગાડીમાંથી 11 પેટી વિદેશી દારૂ મળ્યો હતો. ગાડી ગાંધીનગરના કોઈ સચિવની હોવાનું પોલીસનું પ્રાથમિક અનુમાનછે. દારૂ ભરેલી ગાડીનો પોલીસ ખેમાણા ટોલ ટેક્સ નજીકથી પીછો કરતી હતી. પાલનપુર તાલુકા પોલીસે ગાડીને કબજી લઇ તપાસ કરતા 11 પેટી વિદેશી દારૂ મળી આવ્યો હતો. પાલનપુર તાલુકા પોલીસે ગાડી કબજે લઈને બે લોકોની અટકાયત કરી વધુ તપાસ હાથ ધરી છે.
અમદાવાદમાં થોડા સમય પહેલા પોલીસ કમિશ્નર ઓફિસ પાસેથી પકડાયો હતો દારૂ ભરેલો ટ્રક
અમદાવાદમાં શાહીબાગમાં આવેલી પોલીસ કમિશ્નરની ઓફિસના થોડા અંતરેથી સ્ટેટ મોનિટરિંગ સેલે દારૂ ભરેલી ટ્રક ઝડપી પાડી હતી. ગુજરાત લઘુ એસ્ટેટ ટ્રકમાં દારૂની હેરાફેરી થતી હતી ત્યારે એસએસસી ત્રાટકી હતી. પોલીસે 11,366 વિદેશી દારૂની બોટલો સહિત 26.32 લાખનો મુદ્દામાલ જપ્ત કર્યો હતો. પોલીસ કમિશનર ઓફિસની પાછળ જ હેરાફેરી થતાં અનેક સવાલો ઉઠી રહ્યા છે. આ કેસમાં માધુપુરા પોલીસ ઉંઘતી ઝડપાઈ હતી.
ગીર ગઢડામાં દારૂ સંતાડવા બુટલેગરોએ જમીનમાં બનાવી હતી ઓરડી
ગીરગઢડા તાલુકાના બેડીયા ગામની સીમમાં કુખ્યાત બુટલેગરે પોતાની વાડીમાં મોટી માત્રામાં વિદેશી દારૂ અને બીયરનો જથ્થો ઉતારીને હેરાફેરી કરવાની ફિરાકમાં હતો. જેની બાતમીના આધારે એલસીબીની ટીમે દરોડો પાડીને રૂ.15 લાખની કિંમતનો 324 પેટી વિદેશી દારૂ અને બીયરનો જથ્થો જપ્ત કરી સ્થળ ઉપરથી ઉનાના ઉમેજ અને સામતેર ગામના બે બુટલેગરોને ઝડપી પાડ્યા હતા. આ દારૂનો જથ્થો દમણના શખ્સે મોકલેલો હતો. જે અમરેલીના સાવરકુંડલાના શખ્સને આપવાનો હોવાનું પોલીસ પૂછપરછમાં સામે આવ્યું છે. આ દારૂનો જથ્થો પોલીસની નજરથી છૂપો રહે તે માટે બુટલેગરે ચતુરાઈપૂર્વક પોતાની વાડીમાં બની રહેલા નવા મકાનની બાજુમાં ખાડા જેવું નજરે પડતા અંદાજે 6 બાય 4ની સાઈઝના ચોરખાનામાં વિદેશી દારૂનો જથ્થો છુપાવેલો, જેને એલસીબીએ શોધી કાઢ્યો હતો. આ મામલે પોલીસે પકડેલા બંને બુટલેગરો ઉપરાંત દારૂનો જથ્થો મોકલનાર અને મંગાવનાર મળી કુલ ચાર શખ્સો સામે ગુનો નોંધી ધોરણસરની કાર્યવાહી હાથ ધરી હતી.
આ પણ વાંચોઃ
Crime News: અનૈતિક સંબંધનો કરૂણ અંજામ, બે માસના બાળકને તડપાવીને માર્યા બાદ બાદ કર્યું આવું કામ