મહિલાએ આરોપ લગાવ્યો કે ધનજીએ મોમાઇ માતા ભક્ત મંડળ ટ્રસ્ટમાં બે લાખ રૂપિયા જમા કરાવવાનું કહ્યુ હતું. આ માનતા રાખ્યા બાદ તેમની દીકરીને નોકરી મળી જશે તેવી વાત કરી હતી પરંતુ તેમની દીકરીને સરકારી નોકરી મળી નથી જેથી તેમની સાથે છેતરપિંડીનો અહેસાસ થતા તેમને ફરિયાદ માટે ચાંદખેડામાં કાર્યવાહી કરી હતી. અને જેમાં પોલીસે હાલ અરજી લીધી છે અને તપાસ શરુ કરી છે.
નોંધનીય છે કે આ અગાઉ પેથાપુર પોલીસ સ્ટેશનમાં પણ ધનજી સામે એક અરજી થઈ છે. અરજીમાં અરજદારના પુત્રને કેન્સર મટાડી દેવાની વાત કરવામાં આવી હતી. અને તેની દવાઓ પણ બંધ કરી દેવામાં આવી હતી.