દક્ષિણ સૌરાષ્ટ્રનાં જૂનાગઢ, અમરેલી, પોરબંદર અને ગીર-સોમનાથ જિલ્લામાં અડધા ઈંચથી લઈ ત્રણ ઈંચ સુધીનો વરસાદ નોંધાયો છે. જંગલ વિસ્તારમાં ભારે વરસાદથી નદીઓ બે કાંઠે વહેતી થઈ હતી. સુરત શહેર અને જિલ્લામાં બે દિવસથી ભારે વરસાદ ખાબક્યો હતો.
24 કલાકમાં કઈ જગ્યાએ કેટલા ઈંચ વરસાદ ખાબક્યો
આણંદ - 12.59 ઈંચ
માંડવી - 11 ઈંચ
લખતર - 8.5 ઈંચ
નડિયાદ - 8 ઈંચ
જાંબુઘોડા - 7.5 ઈંચ
બોરસદ - 6.61 ઈંચ
પેટલાદ - 6.10 ઈંચ
મોરબી - 6 ઈંચ
આંકલાવ - 5.43 ઈંચ
ભાણવડા - 5 ઈંચ
મહુધા - 5 ઈંચ
ખંભાત - 4.52 ઈંચ
ગોંડલ - 4.5 ઈંચ
ઉમરપાડા - 3.5 ઈંચ
ધ્રાંગ્રધ્રા - 3.5 ઈંચ
કામરેજ - 3 ઈંચ
વડોદરા - 3 ઈંચ
લીમડી - 3 ઈંચ
પાવીજેતપુર - 3 ઈંચ
કલ્યાણપુર - 3 ઈંચ
વિરમગામ - 2.7 ઈંચ
ગુજરાતમાં 5 દિવસ ભારેથી અતિભારે વરસાદની હવામાન વિભાગે આગાહી કરી છે. બંગાળની ખાડીમાં સર્જાયેલા લો પ્રેશર અને બે સાયક્લોનિક સરક્યુલેશનના પગલે રાજ્માં ભારે વરસાદની આગાહી કરવામાં આવી છે. આ સમયે કેટલાક જિલ્લામાં અતિભારે વરસાદની શક્યતાઓ છે. રાજ્યમાં હાલ સારા વરસાદ માટે સર્જાયેલી સાનુકુળ સ્થિતિના પગલે જળાશયોના જળસ્તર વધવાની પૂર્ણ શક્યતાઓ છે. રાજ્યમાં સિઝનનો 65 ટકા વરસાદ વરસી ચૂક્યો છે.
હવામાન વિભાગની આગાહી પ્રમાણે, આજે નર્મદા, સુરત-તાપી-જામનગર, રાજકોટમાં અતિભારે વરસાદ પડી શકે છે. સુરેંદ્રનગર-દાહોદ, આણંદ-મહિસાગર-પંચમહાલમાં અતિભારે વરસાદ પડી શકે છે. વડોદરા, છોટાઉદેપુર, ડાંગ નવસારી, વલસાડ-દમણ-ભાવનગરમાં પણ ધોધમાર વરસાદ પડી શકે છે.