દક્ષિણ ગુજરાત અને સૌરાષ્ટ્રમાં વરસાદની આગાહી કરવામાં આવી છે. સૌરાષ્ટ્રના અમરેલી, જૂનાગઢ, ગીર સોમનાથ અને ભાવનગરમાં ભારે વરસાદ પડી શકે છે. દક્ષિણ ગુજરાતમાં નવસારી અને વલસાડમાં પણ ભારે વરસાદની આગાહી કરવામાં આવી છે. અરબી સમુદ્ર પર અનુકૂળ પરિસ્થિતિ સર્જાતા ગુજરાતમાં વરસાદ પડી શકે છે.
રાજકોટના ગોંડલમા સતત બીજા દિવસે મેઘરાજાની મહેર યથાવત રહી છે. રવિવારે સવારથી જ અસહ્ય બફારા વચ્ચે બપોર બાદ ધોધમાર વરસાદ વરસ્યો છે. ગોંડલ તથા આસપાસના પણ કેટલાક વિસ્તારમાં વરસાદ વરસ્યો છે.