સાવરકુંડલામાં પડેલા અનારાધાર વરસાદથી નાવલી નદીમાં પૂર આવ્યુ છે. હાથસણી સહિતના ગામોમાં ત્રણ ઈંચ કરતા વધુ વરસાદ પડ્યો છે. શહેરની મધ્યમાંથી પસાર થતી નાવલી નદીમાં પૂર આવતાં કાંઠાની દુકાનોમાં પણ પાણી ઘુસ્યા છે.
અમરેલી જિલ્લાના લીલીયાના ગ્રામ્ય વિસ્તારોમાં પણ અનરાધાર વરસાદ પડ્યો છે. લીલાયા તાલુકાના ઈંગોરાળા ગામમાં બે ઈંચ વરસાદ ખાબકતા ઠેર-ઠેર પાણી ભરાયા હતા. સતત પડેલા વરસાદથી રસ્તાઓ વરસાદી પાણીમાં ગરકાવ થયા હતા.
અમરેલી જિલ્લાના બાઢડા ગામે પડેલા મૂશળધાર વરસાદથી ધામણિયો નદી અને સુરજવાડી નદીમાં ઘોડાપૂર આવ્યું છે. ભારે વરસાદને કારણે બાઢડાથી અભરામપરા-સુરજવડી જવાનો રસ્તો બંધ થયો છે. લાંબા વિરામ બાદ મેઘરાજા મન મુકીને વરસતા ધરતીપુત્રોમાં ખુશીનો માહોલ છે.