ભાવનગરના પાલીતાણામાં મન મુકી મેઘરાજા વરસ્યા છે. માલપરા, ટોળી, જસપરા, સોનપરી સહિતના ગ્રામ્ય વિસ્તારોમાં ધોધમાર વરસાદ પડ્યો હતો. સમગ્ર પંથકમાં મેઘમહેર થતા ખેડૂતો ખુશખુશાલ થયા છે. કચ્છ જિલ્લામાં બીજા દિવસે પણ અલગ અલગ વિસ્તારોમાં વરસાદ વરસ્યો છે. રાપર તેમજ આસપાસના વિસ્તારો પાલનપર,ડાભૂંડા,ત્રંબોમાં પણ ધોધમાર વરસાદ વરસ્યો છે.
રાજ્યમાં વરસાદી સિસ્ટમ ફરી સક્રિય થઈ છે. આગામી ચાર દિવસ ભારેથી અતિભારે વરસાદ પડવાની હવામાન વિભાગે આગાહી કરી છે. પૂર્વ મધ્ય ગુજરાત, દક્ષિણ ગુજરાત અને સૌરાષ્ટ્રમાં ભારે વરસાદ પડી શકે છે. ત્રણથી પાંચ સપ્ટેમ્બર વચ્ચે ઉત્તર ગુજરાતમાં પણ મેઘરાજા મહેરબાન થશે.